Út­lit fyrir á­fram­haldandi um­hleypinga

Þetta er á meðal þess sem kemur fram í hugleiðingum veðurfræðings á vef Veðurstofu Íslands um veðurhorfur dagsins og næstu daga.

Síðdegis á morgun fer lægðardrag norður yfir landinu með úrkomu í öllum landshlutum, víða slyddu eða snjókomu, en rigning syðst. Heldur hlýnandi veður og er útlit fyrir áframhaldandi umhleypinga.

Veðurhorfur á landinu

Sunnan 15-23 m/s og rigning eða súld, en úrkomulítið NA-lands. Hiti 4 til 10 stig. Norðvestan 5-13 m/s og él V-lands með hita nálægt frostmarki þar.

Suðvestan og vestan 5-10 og stöku él eftir hádegi, en 10-18 á A-verðu landinu fram eftir degi og styttir upp. Kólnar í kvöld og frystir víða í kvöld og nótt.

Austlæg átt, 3-10 m/s á morgun, 5-13 um kvöldið. Víða dálítil slydda eða snjókoma með köflum og rigning syðst, en lengst af þurrt fyrir norðan. Hægt hlýnandi veður.

Veðurhorfur á landinu næstu daga

Á mánudag:

Austlæg eða breytileg átt, víða 5-10 m/s og slydda eða snjókoma með köflum, en rigning eða skúrir S- og A-lands síðdegis. Hiti 0 til 7 stig, hlýjast syðst.

Á þriðjudag:

Norðaustan 13-18 m/s NV-til, annars suðlæg átt, 8-15. Snjókoma eða él um landið N-vert með hita nærri frostmarki, en rigning með köflum syðra og hita 2 til 8 stig.

Á miðvikudag:

Fremur hæg austlæg eða suðaustlæg átt og skúrir eða él. Hiti kringum frostmark.

Á fimmtudag:

Snýst í norðanátt með éljum, en rofar til syðra og kólnar í veðri.

Á föstudag:

Stíf suðaustanátt og slydda eða snjókoma með köflum, en rigning syðst og vestast og hlýnar aftur.

Á laugardag:

Suðlæg átt, dálítil væta og milt veður.