Röskva vann aftur stórsigur en missir einn fulltrúa

Kosning til Stúdentaráðs HÍ fór fram í gær og í dag en úrslitin voru tilkynnt á tólfta tímanum í kvöld. Röskva vann einnig kosningar til háskólaráðs og fékk kjörna tvo fulltrúa nemenda af tveimur í ráðið. Varamenn í háskólaráði eru einnig báðir úr röðum Röskvu.

Röskva náði öllum fulltrúum á þremur sviðum, þrjá á hugvísindasviði, þar sem Vaka kom ekki með framboð á því sviði, þrjá á verkfræði- og náttúruvísindasviði, og þrjá á heilbrigðisvísindasviði.

Vaka heldur sínum fulltrúa á félagsvísindasviði en Röskva er þar með fjóra fulltrúa. Þá bætir Vaka við sig einum fulltrúa á menntavísindasviði, þar sem Röskva er með tvo fulltrúa.

Heildarkjörsókn í kosningunum til Stúdentaráðs í ár var 21,7 prósent þar sem 2.626 greiddu atkvæði, og 17,95 prósent til háskólaráðs, þar sem 2.572 greiddu atkvæði.

Hér fyrir neðan má sjá hvernig fulltrúarnir raðast.

Eftirfarandi hlutu kjör á Hugvísindasviði:

1. Rakel Anna Boulter, Röskva
2. Draumey Ósk Ómarsdóttir, Röskva
3. Magnús Orri Aðalsteinnson, Röskva

Félagsvísindasvið - Kjörsókn var 22,79%

1.  Lilja Hrönn Önnudóttir Hrannarsdóttir, Röskva
2.  Viktor Ágústsson, Röskva
3.  Dagur Kárason, Vaka
4.  Diljá Ingólfsdóttir, Röskva
5.  Elías Snær Torfason, Röskva

Menntavísindasvið - Kjörsókn var 15,13%

1. Auður Eir Sigurðardóttir, Röskva
2. Ísak Kárason, Röskva
3. Ísabella Rún Jósefsdóttir, Vaka

Verkfræði- og náttúruvísindasvið - Kjörsókn var 29,27%

1.  Brynhildur R Þorbjarnardóttir, Röskva
2.  Sigurþór Maggi Snorrason, Röskva
3.  Dagmar Óladóttir, Röskva

Heilbrigðisvísindasvið - Kjörsókn var 25,52%

1.  Andri Már Tómasson, Röskva
2.  Sigríður Helga Ólafsdóttir
3.  Dagný Þóra Óskarsdóttir, Röskva

Háskólaráð - Kjörsókn var 17,95%

• Brynhildur K Ásgeirsdóttir, Röskva
• Katrín Björk Kristjánsdóttir, Röskva

Varamenn í haskólaráði í 3. og 4. sæti:

• Rebekka Karlsdóttir, Röskva
• Ingvar Þóroddsson, Röskva