Kvöldfréttir Stöðvar 2

Fjallað verður um stríðið í Úkraínu í kvöldfréttum Stöðvar 2 auk þess sem við lítum við á ljósmyndasýningu í Núllinu í beinni útsendingu.

Forsætisráðherra telur að sveitarfélög ættu að fella niður leikskólagjöld og kveðst sjálf munu auka framlög til barna á komandi tímum. Talið er að allt að tíuþúsund börn séu fátæk á Íslandi.

Hefja á framkvæmdir til að bæta öryggi gangandi vegfarenda við fjölmenn gatnamót við Kauptún í Garðabæ í sumar. Banaslys varð við gatnamótin í fyrra en rannsóknarnefnd samgönguslysa er nokkuð harðorð í garð veghaldara í nýútkominni skýrslu.

Og við rifjum upp snókeræði sem greip um sig á Íslandi fyrir um þremur áratugum og sjáum hvar sportið er statt í dag.

Þetta og margt fleira á samtengdum rásum Stöðvar 2 og Bylgjunni klukkan 18.30.