Hannes fer upp um deild í þýska fótboltanum

Hannes færir sig því um set í Þýskalandi og upp um deild en Wacker leikur í D-deild og mun leika þar áfram á næstu leiktíð.

Samningur Hannesar við nýja félagið er til tveggja ára.

Hannes hefur síðustu ár stýrt Deisenhofen sem minnstu munaði að hann kæmi upp í D-deildina fyrir tveimur árum en liðið var svipt þeim möguleika vegna kórónuveirufaraldursins.

Hannes, sem er 38 ára, kom víða við sem leikmaður á sínum atvinnumannsferli og lék fótbolta á Íslandi, í Noregi, Englandi, Danmörku, Svíþjóð, Rússlandi, Kasakstan, Austurríki og Þýskalandi. Þá lék þessi sterkbyggði framherji 13 A-landsleiki.

Hannesi, sem tók við Deisenhofen árið 2018, er ætlað að stýra aðalliði Wacker og huga um leið að uppbyggingu unglingaakademíu félagsins.