Haukar sýndu yfirburði sína | Íslandsmeistarar Vals í sumarfrí

Sigur Hauka í kvöld virtist aldrei í hættu þrátt fyrir að Valur hótaði endurkomu í þriðja leikhluta.

Haiden Palmer, leikmaður Hauka, var frábær í kvöld en Palmer var stigahæsti leikmaður vallarins með 24 stig og gaf þar að auki 6 stoðsendingar ásamt því að taka niður 10 fráköst. Palmer gerði einnig vel í að halda aftur af besta leikmanni Vals, Ameryst Alston. Alston var þó stigahæst hjá Val með 23 stig, tók 11 fráköst og gaf 6 stoðsendingar.

Haukar munu mæta annað hvort Njarðvík eða Fjölni í úrslitum en Njarðvík leiðir einvígi liðanna 2-1 eftir sigur í Dalhúsum fyrr í kvöld.