Enski boltinn

Jón Daði lagði upp mark í sigri

Arnar Geir Halldórsson skrifar
Jón Daði Böðvarsson
Jón Daði Böðvarsson Getty/Dave Howarth

Íslenski landsliðsmaðurinn Jón Daði Böðvarsson lét til sín taka með liði sínu, Bolton Wanderers, í ensku C-deildinni í fótbolta í dag.

Jón Daði hóf leik í fremstu víglínu þegar Bolton heimsótti Doncaster Rovers.

Fyrri hálfleikur var markalaus en strax í upphafi síðari hálfleiks komst Bolton í forystu þegar Jón Daði fann félaga sinn í framlínunni, Amadou Bagayoko.

Heimamenn í Doncaster jöfnuðu metin á 77.mínútu en það tók Bolton aðeins nokkrar sekúndur að ná forystunni aftur og lauk leiknum með 1-2 sigri gestanna.

Jóni Daða var skipt af velli á 74.mínútu en Bolton er í 11.sæti deildarinnar.

Enski boltinn

Mest lesið


Fleiri fréttir

Sjá meira


×

Mest lesið