Innlent

Landspítalinn af hættustigi

Tryggvi Páll Tryggvason skrifar
Landspítalinn hefur verið færður af hættustigi. 
Landspítalinn hefur verið færður af hættustigi.  vísir/Vilhelm

Viðbragðsstjórn og farsóttanefnd Landspítala hafa ákveðið að færa viðbúnaðarstig spítalans vegna Covid-19 af hættustigi á óvissustig.

Þetta er gert þar sem dregið hefur hratt úr Covid-19 faraldrinum að því er fram kemur á vef Landspítalans.

Þetta hefur það meðal annars í för með sér að reglulegir fundir viðbragðsstjórnar og farsóttanefndar hafa verið lagðir af. Kallað verður til slíkra funda aðeins ef talin verður sérstök þörf á.

Í óvissustigi felst að viðbúnaður er vegna yfirvofandi eða orðins atburðar og dagleg starfsemi ræður við atburðinn.

Sautján sjúklingar liggja á Landspítala með Covid-19, þar af eru ellefu með virkt smit. Enginn sjúklinganna er á gjörgæslu.

Faraldur kórónuveiru (COVID-19) Landspítalinn

Tengdar fréttir

Landspítali færður á neyðarstig

Landspítali hefur verið færður á neyðarstig. Farsóttarnefnd tók þessa ákvörðun og tók nýtt ástand gildi klukkan 14 í dag.

Af neyðarstigi niður á hættustig

Ríkislögreglustjóri hefur í samráði við sóttvarnalækni ákveðið að færa almannavarnastig úr neyðarstigi niður á hættustig vegna Covid-19. Neyðarstigi var lýst yfir 11. janúar síðastliðinn.

Mest lesið


Fleiri fréttir

Sjá meira


×

Mest lesið