Loksins lax á land í Blöndu

Blanda var ekki búin að skila laxi á land frá opnun og það var ekki fyrr en í gær að fyrsti laxinn kom á land og það var 93 sm nýgengin fiskur. Fleiri laxar sáust til dæmis á Breiðunni og í Damminum og það er vonandi að flóðið þessa dagana fari að skila hruastlegum göngum í árnar. 

Þetta hefur verið frekar róleg byrjun á flestum stöðum nema Urriðafossi en það er svo sem ekkert nýtt að laxinn komi sum árin seinna en veiðimenn vilja. Núna er mjög gott júnívatn í ánum, líklega einhver besta vatnsstaða síðan 2015 og það þýðir að það verður líklega ekki þurrkasumar þetta árið með tilheyrandi veiðileysi. Júnímánuður er rétt hálfnaður og við sjáum í raun ekki með sanni í hvað stefnir þetta veiðisumar fyrr en fyrstu og aðra viku í júlí.