Hestur Kára einn sá elsti sem hefur keppt á Landsmóti Telma Tómasson skrifar 5. júlí 2022 13:01 Kári Stefánsson klappar hér hinum 26 vetra Stakki frá Halldórsstöðum. Vísir/Telma „Mér þykir mjög vænt um þennan hest en var hræddur um að hann hefði ekki nægan kraft. Guði sé lof að ég hafði rangt fyrir mér. Ég var mjög stressaður,“ sagði Kári Stefánsson, forstjóri Íslenskrar erfðagreiningar og hrossaræktandi, eftir óvenjulega sýningu Stakks frá Halldórsstöðum, hests í hans eigu, og knapa hans Sigurbjörns Bárðarsonar í sérstakri forkeppni í A-flokki á Landsmóti hestamanna á Hellu í gær. Stakkur er 26 vetra sem er óvenju hár aldur fyrir hest á keppnisvellinum, ekki síst í keppni á hæsta stigi eins og á Landsmóti. Stakkur var í fremstu röð í fyrri tíð en hefur ekki sést á keppnisvellinum í átta ár. Sýningin í gær heppnaðist vel utan að hesturinn tók skeiðið heldur seint. En líklega var þetta þó hans svanasöngur á keppnisvellinum. „Það má leiða að því rök að við urðum fórnarlömb nostalgíunnar og langaði svolítið í gamla tíma en hér er hann Stakkur, stóð sig vel og var mjög flottur og kraftmikill. Öllum til sóma og sérstaklega sjálfum sér. Aldur hestsins var ekki vandamál,“ sagði Kári. Hesturinn er eins og lyftingamaður Knapinn var sammála. „Stakkur er alveg ótrúlegur, blés varla úr nös og þoldi þetta vel. Það vaknaði í honum gamla villidýrið að vera tilbúinn, en hesturinn er eins og lyftingamaður hann setur sig í ham. Þegar hann bíður eftir skeiðspretti byrjar hann að krafsa og setur hausinn í áttina til mín og byrjar að glefsa til mín, herðir sig upp og prjónar jafnvel, alveg til í að starta bara og ég á fullt í fangi með að halda honum. Ég hélt að þetta væri farið, en aldeilis ekki, Stakkur fór í gamla gírinn sinn við brautarendann. Þetta var ekki einfalt því ég var þriðji í röðinni að taka skeiðsprett og hann lét mig vita af öllum sínum gömlu töktum meðan við þurftum að bíða eftir að hinir tveir kláruðu sínar,“ sagði Sigurbjörn eftir sýninguna, sem skráist að líkindum í sögubækurnar. Kári segir að Stakkur og Sigurbjörn passi svo vel saman að sá möguleiki sé fyrir hendi að þeir séu eineggja tvíburar.Vísir/Telma „Þeir eru mjög líkir“ Mikilvægt er að gott og nákvæmt samband sé milli knapa og hests, ekki síst þegar árangri þarf að ná í keppni og segir Kári að þeir Stakkur og Sigurbjörn passi vel saman. „Því hefur verið fleygt að sá möguleiki sé fyrir hendi að þeir séu eineggja tvíburar,“ sagði Kári og hló. En fé er jafnan fóstra líkt og Stakkur er sagður sérlundaður líkt og eigandinn, Kári Stefáns. „Jú, þeir eru mjög líkir,“ samþykkir Sigurbjörn. „Það getur snúist allt þvert í honum. Til dæmis við upphaf skeiðspretts getur Stakkur orðið alveg trompaður. Og gefur mér puttann. Þá er það eina sem ég get gert er að láta hann bara fara. Svo þegar hann er búinn að pústa mesta ofsanum þá getur maður spurt: „ertu til?“. Þetta er svo líkt með Kára og honum.“ Lagði Kári álög á Sigurbjörn 2008? Tæplega 100 hestar voru skráðir til leiks í sérstakri forkeppni í A-flokki alhliða gæðinga á Landsmótinu í ár en aðeins 30 komust áfram í milliriðil sem fram fer á morgun. Þar ræðst síðan hvaða 15 hestar komast áfram í A- og B-úrslit sem verða riðin í vikulokin. Úrslitin hafa í gegnum tíðina oft verið þyrnum stráð en ýmislegt getur farið úrskeiðis þegar kappið er mest. Þrálát saga er um dramatíska atburði á Gaddstaðaflötum á Landsmóti hestamanna 2008, en þá hafði Sigurbjörn úr tveimur hestum að velja í úrslitum, Stakki og Kolskeggi frá Oddhóli. Kolskeggur var tekinn framyfir Stakk og segir sagan að Kári hafi setið í brekkunni þungur á brún og lagt álög á Sigurbjörn um að hestur hans myndi ekki klára keppnina og þar með kæmu honum hin eftirsóttu verðlaun, sigur í A-flokki í hlut annars hests og knapa. Kári vill ekki kannast við söguna. „Ég trúi ekki á galdra og hef aldrei gert það. Nei, nei, ég lagði ekki á hann álög, en muldraði eitthvað uppi í brekkunni í einhverju geðvonskukasti og sá eftir því um leið.“ Það flaug nú samt skeifa undan hesti Sigurbjörns í úrslitunum og náði hann ekki að klára keppni. Niðurstaðan varð sú að A-flokkinn það árið vann Aris frá Oddhóli með knapa sínum Árna Birni Pálssyni með 8,86 í einkunn en Kolskeggur frá Oddhóli og Sigurbjörn þurftu að sætta sig við neðsta úrslitasætið með 7,87. Sigurbjörn hefur á sínum langa og farsæla ferli í hestamennsku unnið allar greinar sem hægt er í hestaíþróttum, enda eini knapinn sem hefur öðlast þann heiður að vera valinn íþróttamaður ársins. Gulli í A-flokki á Landsmóti hefur honum þó ekki enn tekist að landa. „Ætli mér auðnist það nokkuð úr þessu,“ segir hinn öflugi sjötugi knapi og landsliðsþjálfari, sem er þó eins og áratugum yngri maður og er hvergi nærri hættur. Beinar útsendingar og dagleg samantekt á Vísi Landsmót hestamanna stendur yfir á Gaddstaðaflötum á Hellu dagana 3. til 10. júlí. Streymisveitan Alendis TV tryggði sér útsendingarétt á Landsmóti og sýnir bæði frá keppnisbrautinni og kynbótabrautinni. Vísir er í samstarfi við Alendis, sýnir daglega samantekt og tengist beinni útsendingu frá völdum dagskrárliðum á kvöldin. Lesendur Vísis og áhorfendur Stöðvar 2 Vísis geta því fengið innsýn í Landsmót hestamanna, en útsendingu frá allri dagskrá má síðan nálgast með áskrift á alendis.is. Hér fyrir neðan má sjá samantektarmyndbönd frá keppni gærdagsins. Klippa: Forkeppni í A-flokki - Landsmót hestamanna Klippa: Forkeppni í ungmennaflokki - Landsmót hestamanna Klippa: Forkeppni í B-flokki - Landsmót hestamanna Landsmót hestamanna Hestar Rangárþing ytra Tengdar fréttir Gera ráð fyrir átta til tíu þúsund mótsgestum Von er á þúsundum gesta á Landsmót hestamanna sem fram fer á Gaddstaðaflötum á Hellu. „Stemningin er frábær nú þegar,“ segir Magnús Benediktsson, framkvæmdastjóri LM2022 en mótið stendur yfir alla vikuna. 4. júlí 2022 11:01 Mest lesið Fótboltastrákur lést eftir hnéaðgerð Fótbolti „Er dómarinn bara alltaf í símanum?“ Sport Barnsmóðir NBA stjörnu hótaði að láta skera af honum puttana Sport „Nú hljóta viðvörunarbjöllur að hringja“ Fótbolti Cristiano Ronaldo sagður fá 143 milljónir í laun á dag Fótbolti Byrjar meðferð vegna brjóstakrabbameins Handbolti Nýtt heimsmet sett: „Sé því að ég á að geta gert miklu betur“ Sport Alexander Máni seldur til Midtjylland Íslenski boltinn Einar tekur við Víkingum Íslenski boltinn „Ef það verður ekki ég þá verður það bara einhver önnur“ Sport Fleiri fréttir Liðsfélagi hjá AGF sannfærði Mikael um að semja við Djurgården Fotios spilar 42 ára með Fjölni „Er dómarinn bara alltaf í símanum?“ „Við erum bara búin að fara í eina átt og það er upp“ „Nú hljóta viðvörunarbjöllur að hringja“ Einar tekur við Víkingum Pogba og Fati mættir til Mónakó Sjáðu allan þáttinn um Norðurálsmótið Nýtt heimsmet sett: „Sé því að ég á að geta gert miklu betur“ Mikael orðinn leikmaður Djurgården Alexander Máni seldur til Midtjylland Byrjar meðferð vegna brjóstakrabbameins „Menn fundu aftur hvernig það er að vera í góðu liði“ Real rústaði Salzburg og vann riðilinn Barnsmóðir NBA stjörnu hótaði að láta skera af honum puttana Fótboltastrákur lést eftir hnéaðgerð Dagskráin: Besta deildin, formúla, golf og pílukast Cristiano Ronaldo sagður fá 143 milljónir í laun á dag „Ég sé Messi ekki missa af HM 2026“ „Ef það verður ekki ég þá verður það bara einhver önnur“ Var uppi í áhorfendastúku þegar nafn hans var kallað upp í nýliðavali NBA Nýr liðsfélagi Íslendinganna hjá HamKam æfði undir fölsku nafni Njarðvíkingar með montréttinn í Reykjanesbæ og toppsæti deildarinnar City vann riðilinn og sleppur líklega við Real Madrid Færeyingar í undanúrslitin á HM og gætu mætt Dönum í úrslitaleiknum Elísabet stýrði Belgum til sigurs í generalprufunni fyrir EM Markadrottning afgreiddi mótherja Íslands í síðasta leik fyrir EM „Við vorum að rústa Íslandsmetinu“ Mbappé aftur með PSG í réttarsalinn og nú vegna eineltis Norsk handboltastjarna með krabbamein Sjá meira
Stakkur er 26 vetra sem er óvenju hár aldur fyrir hest á keppnisvellinum, ekki síst í keppni á hæsta stigi eins og á Landsmóti. Stakkur var í fremstu röð í fyrri tíð en hefur ekki sést á keppnisvellinum í átta ár. Sýningin í gær heppnaðist vel utan að hesturinn tók skeiðið heldur seint. En líklega var þetta þó hans svanasöngur á keppnisvellinum. „Það má leiða að því rök að við urðum fórnarlömb nostalgíunnar og langaði svolítið í gamla tíma en hér er hann Stakkur, stóð sig vel og var mjög flottur og kraftmikill. Öllum til sóma og sérstaklega sjálfum sér. Aldur hestsins var ekki vandamál,“ sagði Kári. Hesturinn er eins og lyftingamaður Knapinn var sammála. „Stakkur er alveg ótrúlegur, blés varla úr nös og þoldi þetta vel. Það vaknaði í honum gamla villidýrið að vera tilbúinn, en hesturinn er eins og lyftingamaður hann setur sig í ham. Þegar hann bíður eftir skeiðspretti byrjar hann að krafsa og setur hausinn í áttina til mín og byrjar að glefsa til mín, herðir sig upp og prjónar jafnvel, alveg til í að starta bara og ég á fullt í fangi með að halda honum. Ég hélt að þetta væri farið, en aldeilis ekki, Stakkur fór í gamla gírinn sinn við brautarendann. Þetta var ekki einfalt því ég var þriðji í röðinni að taka skeiðsprett og hann lét mig vita af öllum sínum gömlu töktum meðan við þurftum að bíða eftir að hinir tveir kláruðu sínar,“ sagði Sigurbjörn eftir sýninguna, sem skráist að líkindum í sögubækurnar. Kári segir að Stakkur og Sigurbjörn passi svo vel saman að sá möguleiki sé fyrir hendi að þeir séu eineggja tvíburar.Vísir/Telma „Þeir eru mjög líkir“ Mikilvægt er að gott og nákvæmt samband sé milli knapa og hests, ekki síst þegar árangri þarf að ná í keppni og segir Kári að þeir Stakkur og Sigurbjörn passi vel saman. „Því hefur verið fleygt að sá möguleiki sé fyrir hendi að þeir séu eineggja tvíburar,“ sagði Kári og hló. En fé er jafnan fóstra líkt og Stakkur er sagður sérlundaður líkt og eigandinn, Kári Stefáns. „Jú, þeir eru mjög líkir,“ samþykkir Sigurbjörn. „Það getur snúist allt þvert í honum. Til dæmis við upphaf skeiðspretts getur Stakkur orðið alveg trompaður. Og gefur mér puttann. Þá er það eina sem ég get gert er að láta hann bara fara. Svo þegar hann er búinn að pústa mesta ofsanum þá getur maður spurt: „ertu til?“. Þetta er svo líkt með Kára og honum.“ Lagði Kári álög á Sigurbjörn 2008? Tæplega 100 hestar voru skráðir til leiks í sérstakri forkeppni í A-flokki alhliða gæðinga á Landsmótinu í ár en aðeins 30 komust áfram í milliriðil sem fram fer á morgun. Þar ræðst síðan hvaða 15 hestar komast áfram í A- og B-úrslit sem verða riðin í vikulokin. Úrslitin hafa í gegnum tíðina oft verið þyrnum stráð en ýmislegt getur farið úrskeiðis þegar kappið er mest. Þrálát saga er um dramatíska atburði á Gaddstaðaflötum á Landsmóti hestamanna 2008, en þá hafði Sigurbjörn úr tveimur hestum að velja í úrslitum, Stakki og Kolskeggi frá Oddhóli. Kolskeggur var tekinn framyfir Stakk og segir sagan að Kári hafi setið í brekkunni þungur á brún og lagt álög á Sigurbjörn um að hestur hans myndi ekki klára keppnina og þar með kæmu honum hin eftirsóttu verðlaun, sigur í A-flokki í hlut annars hests og knapa. Kári vill ekki kannast við söguna. „Ég trúi ekki á galdra og hef aldrei gert það. Nei, nei, ég lagði ekki á hann álög, en muldraði eitthvað uppi í brekkunni í einhverju geðvonskukasti og sá eftir því um leið.“ Það flaug nú samt skeifa undan hesti Sigurbjörns í úrslitunum og náði hann ekki að klára keppni. Niðurstaðan varð sú að A-flokkinn það árið vann Aris frá Oddhóli með knapa sínum Árna Birni Pálssyni með 8,86 í einkunn en Kolskeggur frá Oddhóli og Sigurbjörn þurftu að sætta sig við neðsta úrslitasætið með 7,87. Sigurbjörn hefur á sínum langa og farsæla ferli í hestamennsku unnið allar greinar sem hægt er í hestaíþróttum, enda eini knapinn sem hefur öðlast þann heiður að vera valinn íþróttamaður ársins. Gulli í A-flokki á Landsmóti hefur honum þó ekki enn tekist að landa. „Ætli mér auðnist það nokkuð úr þessu,“ segir hinn öflugi sjötugi knapi og landsliðsþjálfari, sem er þó eins og áratugum yngri maður og er hvergi nærri hættur. Beinar útsendingar og dagleg samantekt á Vísi Landsmót hestamanna stendur yfir á Gaddstaðaflötum á Hellu dagana 3. til 10. júlí. Streymisveitan Alendis TV tryggði sér útsendingarétt á Landsmóti og sýnir bæði frá keppnisbrautinni og kynbótabrautinni. Vísir er í samstarfi við Alendis, sýnir daglega samantekt og tengist beinni útsendingu frá völdum dagskrárliðum á kvöldin. Lesendur Vísis og áhorfendur Stöðvar 2 Vísis geta því fengið innsýn í Landsmót hestamanna, en útsendingu frá allri dagskrá má síðan nálgast með áskrift á alendis.is. Hér fyrir neðan má sjá samantektarmyndbönd frá keppni gærdagsins. Klippa: Forkeppni í A-flokki - Landsmót hestamanna Klippa: Forkeppni í ungmennaflokki - Landsmót hestamanna Klippa: Forkeppni í B-flokki - Landsmót hestamanna
Landsmót hestamanna Hestar Rangárþing ytra Tengdar fréttir Gera ráð fyrir átta til tíu þúsund mótsgestum Von er á þúsundum gesta á Landsmót hestamanna sem fram fer á Gaddstaðaflötum á Hellu. „Stemningin er frábær nú þegar,“ segir Magnús Benediktsson, framkvæmdastjóri LM2022 en mótið stendur yfir alla vikuna. 4. júlí 2022 11:01 Mest lesið Fótboltastrákur lést eftir hnéaðgerð Fótbolti „Er dómarinn bara alltaf í símanum?“ Sport Barnsmóðir NBA stjörnu hótaði að láta skera af honum puttana Sport „Nú hljóta viðvörunarbjöllur að hringja“ Fótbolti Cristiano Ronaldo sagður fá 143 milljónir í laun á dag Fótbolti Byrjar meðferð vegna brjóstakrabbameins Handbolti Nýtt heimsmet sett: „Sé því að ég á að geta gert miklu betur“ Sport Alexander Máni seldur til Midtjylland Íslenski boltinn Einar tekur við Víkingum Íslenski boltinn „Ef það verður ekki ég þá verður það bara einhver önnur“ Sport Fleiri fréttir Liðsfélagi hjá AGF sannfærði Mikael um að semja við Djurgården Fotios spilar 42 ára með Fjölni „Er dómarinn bara alltaf í símanum?“ „Við erum bara búin að fara í eina átt og það er upp“ „Nú hljóta viðvörunarbjöllur að hringja“ Einar tekur við Víkingum Pogba og Fati mættir til Mónakó Sjáðu allan þáttinn um Norðurálsmótið Nýtt heimsmet sett: „Sé því að ég á að geta gert miklu betur“ Mikael orðinn leikmaður Djurgården Alexander Máni seldur til Midtjylland Byrjar meðferð vegna brjóstakrabbameins „Menn fundu aftur hvernig það er að vera í góðu liði“ Real rústaði Salzburg og vann riðilinn Barnsmóðir NBA stjörnu hótaði að láta skera af honum puttana Fótboltastrákur lést eftir hnéaðgerð Dagskráin: Besta deildin, formúla, golf og pílukast Cristiano Ronaldo sagður fá 143 milljónir í laun á dag „Ég sé Messi ekki missa af HM 2026“ „Ef það verður ekki ég þá verður það bara einhver önnur“ Var uppi í áhorfendastúku þegar nafn hans var kallað upp í nýliðavali NBA Nýr liðsfélagi Íslendinganna hjá HamKam æfði undir fölsku nafni Njarðvíkingar með montréttinn í Reykjanesbæ og toppsæti deildarinnar City vann riðilinn og sleppur líklega við Real Madrid Færeyingar í undanúrslitin á HM og gætu mætt Dönum í úrslitaleiknum Elísabet stýrði Belgum til sigurs í generalprufunni fyrir EM Markadrottning afgreiddi mótherja Íslands í síðasta leik fyrir EM „Við vorum að rústa Íslandsmetinu“ Mbappé aftur með PSG í réttarsalinn og nú vegna eineltis Norsk handboltastjarna með krabbamein Sjá meira
Gera ráð fyrir átta til tíu þúsund mótsgestum Von er á þúsundum gesta á Landsmót hestamanna sem fram fer á Gaddstaðaflötum á Hellu. „Stemningin er frábær nú þegar,“ segir Magnús Benediktsson, framkvæmdastjóri LM2022 en mótið stendur yfir alla vikuna. 4. júlí 2022 11:01