„Stimplaðar sem einungis kyntákn“

Helga ólstu upp í fimm löndum og um allan heim en faðir hennar handboltamaðurinn Ólafur Stefánsson. Blaðamaður fékk að heyra meira um fyrsta lagið af væntanlegri EP plötu, Helgu Soffíu og framtíðina:

Hver er Helga Soffía?

Ég er 23 ára söngkona, lagahöfundur og leikkona. Ég ólst upp í útlöndum þar sem pabbi minn var atvinnumaður í handbolta í mörg ár og þar að leiðandi flutti ég á milli landa á nokkurra ára fresti. Ég flutti heim sem unglingur og hef búið á Íslandi síðan. 

Ég hef æft söng, dans og leiklist alla mína ævi og er útskrifuð af leiklistarbraut úr Fjölbrautaskólanum í Garðabæ. Ég vinn í versluninni Andrea by Andrea og ég er förðunarfræðingur og kennari í Reykjavík Makeup School.

Hvaðan kemur nafnið Heía?

Heía er nafn frá æskunni minni, þetta er nafn sem litli bróðir minn kallaði mig þegar hann var lítill og það hefur fests síðan. Öll fjölskyldan mín og nánustu vinir kalla mig Heía, þannig þegar ég þurfti að finna artista nafn þá þurfti ég ekki að leita langt.

Hvernig leiddist þú út í tónlistina?

Hildur tónlistarkona uppgötvaði mig árið 2019 þegar ég var að leika eitt af aðalhlutverkunum í söngleik í FG þar sem Hildur sá um tónlistina. Tveim árum seinna hafði Hildur samband við mig og vildi gefa mér tækifærið til að prófa að gera tónlist saman, það hefur gengið ótrúlega vel síðan þá. 

Ég hef lært svo margt frá Hildi.

Hver er innblásturinn að laginu?

Lagið var upprunalega til þegar ég var að horfa á þættina Pam og Tommy en ég hef alltaf dýrkað Pamelu Anderson. Þegar ég horfði á þættina þá virkilega fór ég að hugsa um lífið hennar og hvað hún stendur fyrir. 

Einn daginn fór ég í studioið og þetta lag varð til. 

Þetta lag snýst um það fáránlega concept að ef konur vilja owna kynþokkann sinn þá virðist það oft vera þannig að þær séu stimplaðar sem einungis kyntákn og geti ómögulega verið klárar eða hæfileikaríkar á sama tíma. 

Ásamt Pamelu tala ég um aðrar þekktar listakonur sem hafa haft áhrif á mig og ég þakka þeim fyrir allt sem þær hafa gert. Þetta lag snýst um að konur geta verið allt sem þær vilja, allt á sama tíma.

Hvað er framundan?

Ég komst nýlega inn í hinn virta Limpi háskóla í Noregi sem er stofnaður af próduser teyminu Stargate sem hafa gert lög með td. Rihönnu, Katy Perry og Sam Smith. Þar er lögð áhersla á lagasmíðar, production og að vera listamaður, svo að þetta er ekki beint týpískur tónlistarskóli. 

Markmiðið mitt núna er að gefa út EP bráðlega og gera mitt besta í LIMPI. Ég vil endilega gera tónlist að vinnunni minni og vonandi fá að vinna með allskonar fólki og fá að semja og koma eins mikið fram og ég get. Og vonandi búa eitthvað til sem fólk mun tengja við.