Miss Universe Iceland: Vandræðalegt og fyndið atvik á fyrstu æfingunni

Miss Universe Iceland keppnin verður haldin í sjöunda sinn þann 24. ágúst í Gamla bíó. Keppendur í ár eru sautján talsins og ætla lesendur Vísis að fá að kynnast stúlkunum sem keppast um titilinn betur.

Hvað var það sem vakti áhuga þinn á keppninni?

Ég hef rosalega lengi verið að fylgjast með keppninni og fleiri sambærilegum, svo ég ákvað bara að kýla á þetta og prófa eitthvað nýtt.

Hvað ert þú búin að læra í ferlinu?

Að evening gown labbið er miklu erfiðara en þú heldur.

Hvað borðar þú í morgunmat?

Ég borða oft tvo spælt egg með avocado, Siracha og kryddi. Ef ég hef lítinn tíma þá seríos.

Hver er uppáhalds maturinn þinn? 

Humar er uppáhalds maturinn minn en leiru pylsa fylgir fast á eftir.

Hvað ertu að hlusta á?

Ég hlusta rosalega lítið á tónlist en ég hlusta aðallega á podcast og hljóðbækur. Núna er ég að hlusta á The handmaid’s tale.

Hver er uppáhalds bókin þín?

Ég elska Harry Potter bækurnar.

Hver er þín fyrirmynd í lífinu?

Hún mamma mín er fyrirmyndin mín.

Hver er frægasta persóna sem þú hefur hitt?

Ég hitti einu sinni Hudu Kattan eða Huda beauty upp í Hlíðarfjalli á skíðum.

Neyðarlegasta atvik sem þú hefur lent í?

Kannski ekki neyðarlegasta en það fyrsta sem mér dettur í hug. Þetta var fyrsta æfingin hjá okkur stelpunum og vorum að skipta í sundföt því við vorum að æfa runway labb. 

Svo erum við búnar að vera æfa í smá og rosa gaman þangað til ég sé eitthvað á gólfinu, þá voru það naríurnar mínar og voru þær búnar að chilla á gólfinu í góðan tíma, ég hafði misst þær á leiðinni þegar ég var að ganga frá fötunum. 

Þetta var kannski ekki það vandræðalegasta sem hefur komið fyrir mig en þetta var alveg smá vandræðalegt og aðallega fyndið þar sem ég var að hitta stelpurnar í fyrsta sinn.

Hverju ertu stoltust af?

Ég er stoltust af því hvað ég hef mikið stigið út fyrir þægindarammann síðasta eitt og hálfa árið.

Hver er þinn helsti ótti?

Risaeðlur og uppvakningar.

Hvar sérðu þig eftir fimm ár?

Vonandi að klára eða búin með nám og búin að kaupa mínu fyrstu íbúð.

Hvaða lag tekur þú í karókí?

Ég tek alltaf Dancing Queen.