Jes­se Lingard gæti verið á leið til Notting­ham For­est

Hinn 29 ára gamli Lingard hefur verið orðaður við hin ýmsu félög að undanförnu. Þar á meðal ensku liðin Everton, Newcastle, Tottenham, Leicester og West Ham.

West Ham voru taldir líklegastir að hreppa Lingard en leikmaðurinn hefur verið aðalskotmark David Moyes og lærisveina hans hjá West Ham í allt sumar. Lingard lék á láni hjá félaginu árið 2021 við góðan orðstír.

West Ham ætlar þó ekki að borga Lingard þann launaseðill sem hann biður um, upp á 180 þúsund pund á viku. Nottingham Forest er þó komið í viðræður við leikmanninn og talið tilbúið að ganga að þessum körfum Lingard. Forest eru því taldir líklegastir að fá undirskrift Englendingsins samkvæmt fréttum Guardian. 

Nottingham Forest mun þá margfalda launagreiðslur sínar gangi þetta eftir. Meðaltal launagreiðslna á viku hjá leikmannahóp Forest eru um 12 þúsund pund, þar sem Steve Cook er launahæstur með 35 þúsund pund.

Lingard hefur nú þegar fengið tilboð frá liðum í Bandaríkjunum og Sádi-Arabíu og hefur því um nóg að velja og ætti að fá ágætis seðill í vasann hvar sem hann svo spilar á næsta leiktímabili.