Risa­skjár féll á dansara á tón­leikum í Hong Kong

Slysið náðist á myndband en í því sést þegar skjárinn fellur beint ofan á einn dansaranna. Skjárinn lenti uppréttur og datt síðan á hliðina og slasaði einn annan dansara.

Dansarinn sem varð fyrir skjánum var færður á spítala með meiðsl á hálsi og er á gjörgæslu samkvæmt BBC.

Tónleikunum var aflýst samstundis og næstu tónleikum hljómsveitarinnar frestað á meðan gerð er úttekt á öryggismálum í öðrum tónleikasölum sem hljómsveitin stefnir á að syngja í.

Hljómsveitin Mirror er ein vinsælasta cantopop-hljómsveit heims en cantopop er pop-tónlist frá Hong Kong. Hljómsveitin var stofnuð árið 2018 og hafa vinsældir hennar aukist gríðarlega síðustu ár.

Myndband af atvikinu má sjá hér en allir eru varaðir við því að horfa á það.