Urriðafoss með bestu veiði á stöng

Besta veiðin er ekkert endilega hæsta veiðitalan enda er stangarfjöldi í ánum mismunandi og veiðitíminn líka, þ.e.a.s. hvenær veiði hefst í ánum. Það er þess vegna gaman að skoða aðeins fjölda laxa veidda á stöng í helstu ám landsins núna þegar tímabilið er um það bil hálfnað. Urriðafoss er með langbestu veiðina á stöng en þar er veitt á fjórar stangir og veiði pr stöng er 191 lax. Flókadalsá er næst með 102 laxa á stöng á 3 stangir. Laxá á Ásum er með 94 laxa á 4 stangir og er þriðja hæsta áin.

Við fengum þennan lista sendan frá góðvin Veiðivísis og deilum honum hér með ykkur til fróðleiks. Það verður síðan áhugavert að sjá hvernig þessi listi lítur út í loks tímabils.