Liverpool fékk skell í síðasta æfingaleik fyrir mót

Strasbourg leikur í frönsku úrvalsdeildinni og þeir mættu ákveðnir til leiks og höfðu náð þriggja marka forystu áður en hálftími var liðinn af leiknum. 

Liverpool vann Man City í Góðgerðarskildinum í gær og það voru minni spámenn sem fengu að spreyta sig í leiknum í dag.

Þó voru leikmenn á borð við Ibrahima Konate, Joe Gomez, James Milner, Fabio Carvalho og Harvey Elliott í liðinu.

Ekki voru fleiri mörk skoruð eftir fyrsta hálftímann og lauk leiknum með 0-3 sigri Strasbourg.

Liverpool hefur leik í ensku úrvalsdeildinni næstkomandi laugardag þegar liðið heimsækir nýliða Fulham.