Í þyrlu á ystu nöf yfir gosinu

Gos hófst í Meradölum á öðrum tímanum í dag og í framhaldinu fóru tökumenn frá báðum stöðvum um borð í þyrlu Landhelgisgæslunnar. 

Vísir er í beinni útsendingu sem stendur úr þyrlunni þar sem flogið er yfir gosstöðvarnar. 

Að neðan má sjá brot úr útsendingunni þar sem Arnar Halldórsson, tökumaður Stöðvar 2, og Kristinn Þeyr Magnússon, tökumaður RÚV, koma sér fyrir í opnum dyrum þyrlunnar. 

Eflaust fer um einhvern áhorfandann þegar hann horfir á þessa klippu þar sem fyrrnefndir tökumenn tylla sér í gættina með fæturnar út úr þyrlunni.