„Freyr hafði lykiláhrif“ Ingvi Þór Sæmundsson skrifar 2. september 2022 09:31 Alfreð Finnbogason í búningi Lyngby. Honum var úthlutað treyjunúmerinu átján. lyngby Alfreð Finnbogason er afar sáttur með að hafa samið við danska úrvalsdeildarliðið Lyngby. Hann segir að Freyr Alexandersson hafi haft mikil áhrif á þá ákvörðun hans að velja Lyngby. Eftir að hafa leikið með Augsburg frá 2016 skildu leiðir hjá Alfreð og þýska liðinu eftir síðasta tímabil. Hann hafði samband við Frey í júní og falaðist eftir því að æfa með Lyngby í júlí sem var auðfengið. Hann fékk strax góða tilfinningu fyrir liðinu sem er nýliði í dönsku úrvalsdeildinni. „Ég var mjög sáttur og leið hrikalega vel. Á þeim tíma vorum við samt ekkert að ræða um að ég yrði áfram. Það var nýtt fyrir mig að vera í þessari stöðu, samningslaus,“ sagði Alfreð í samtali við Vísi í gær. Hann hafði úr ýmsum tilboðum að velja, meðal annars frá liðum í þýsku B-deildinni og frá meira framandi slóðum. En á endanum samdi hann við Lyngby þar sem hann hittir fyrir Frey sem hann þekkir vel frá tíma þeirra saman með íslenska landsliðinu. Alfreð vonast til að koma ferlinum aftur á fulla ferð hjá Lyngby en sem kunnugt er hefur hann verið mikið frá vegna meiðsla undanfarin ár. Freyr Alexandersson kom Lyngby upp í dönsku úrvalsdeildina á síðasta tímabili.getty/Lars Ronbog „Maður vildi finna fyrir tilfinningunni að mín væri þörf og komast þannig aftur af stað. Ég vil spila fótboltaleiki og njóta þess aftur. Og ég hef fulla trú á því að það sé hægt hér. Ég þekki Frey og hvernig hann vinnur,“ sagði Alfreð. Eftir að hafa æft með Lyngby í júlí kom hann heim til Íslands og æfði með FH og Breiðabliki á meðan hann dvaldi hér. „Ég er í fínu æfingastandi en það er mjög erfitt að meta hvernig leikjaformið er. Vonandi fæst svar við því sem fyrst. Ég tel mig vera tilbúinn að spila. Tíminn leiðir í ljós hvað þetta tekur langan tíma,“ sagði Alfreð. Hann myndi ekki slá hendinni á móti því að spila þegar Lyngby tekur á móti Randers í 8. umferð dönsku úrvalsdeildarinnar á sunnudaginn. „Ég myndi treysta mér til að spila um helgina en hversu mikið veit ég ekki. Kannski er betra að byggja þetta upp skref fyrir skref.“ Alfreð hefur komið víða við á ferlinum en hefur ekki áður spilað í Danmörku.lyngby Alfreð fer ekki í neinar grafgötur með að Freyr hafi haft mikið um það að segja að hann samdi við Lyngby. „Lykiláhrif, ég neita því ekki. En hann setti enga gríðarlega pressu á mig og ég hef sjaldan lent í því að þjálfari ýti svona lítið á eftir mér. Hann útskýrði hvað ég fengi hérna og mína stöðu. Vonandi verður þetta gott samstarf,“ sagði Alfreð sem þarf ekki langan tíma til að koma sér inn í hlutina hjá Lyngby enda þekkir hann til þar eftir tíma sinn hjá félaginu fyrr í sumar. „Það hjálpar, ekki spurning. Fyrsti fasinn að kynnast mönnum er að baki. Ég þekki nöfnin. Þetta er léttur og góður hópur.“ Lyngby er fyrsti áfangastaður Sævars Atla Magnússonar í atvinnumennsku.vísir/hulda margrét Fyrir hjá Lyngby er annar íslenskur framherji, Sævar Atli Magnússon. Alfreð ber Breiðhyltingnum vel söguna. „Þetta er frábær drengur og góður fótboltamaður. Ekkert nema jákvætt um hann að segja. Er á öfugum enda við mig. Við náum mjög vel saman. Þetta er hrikalega þroskaður drengur miðað við aldur,“ sagði Alfreð sem vonast til að reynsla sín hjálpi Lyngby sem er á botni dönsku deildarinnar með einungis tvö stig eftir fyrstu sjö umferðirnar. „Maður reynir að vera fyrirmynd í því hvernig maður tekur á hlutunum. Það er gott að vera með reyndari leikmenn í klefanum til að róa mannskapinn,“ sagði Alfreð að endingu. Danski boltinn Mest lesið Bein útsending: Bakgarðshlaupið í Heiðmörk Sport Veðmál systkina til lykta leitt: „Veit að ég mun aldrei tapa fyrir honum“ Sport Iðrast gjörða sinna: „Var klárlega rangt af mér“ Íslenski boltinn Sló 24 ára gamalt met Kára Steins, aftur Sport Í beinni: KA - Víkingur | Á sama tíma að ári Íslenski boltinn Bað börnin sín afsökunar á dánarbeðinum Fótbolti Pössuðu að leikmenn Fulham væru aldrei einar með Al Fayed Enski boltinn UEFA sé að missa þolinmæðina gagnvart Íslandi Íslenski boltinn Stöðvuðu bardaga Valgerðar Sport Díaz með tvö og Liverpool tyllti sér á toppinn Enski boltinn Fleiri fréttir Rúnar Þór lagði upp og setti boltann í eigið net Willum Þór gaf stoðsendingu Fulham fyrst til að vinna Newcastle og dramatík í Birmingham og Southampton Í beinni: Crystal Palace - Man. Utd | Er United komið á rétta braut? Spurs vann þrátt fyrir að lenda undir eftir hálfa mínútu Bayern búið að skora tuttugu mörk í síðustu þremur leikjum Í beinni: KA - Víkingur | Á sama tíma að ári Selfoss og KFA mætast í úrslitum Ásdís Karen skoraði í þriðja sigri Lillestrøm í röð Sjö KR-ingar heiðraðir á Anfield Orri í byrjunarliði Real Sociedad sem mistókst enn og aftur að skora Díaz með tvö og Liverpool tyllti sér á toppinn Jackson í stuði þegar Chelsea fór létt með West Ham Lið Ísaks og Valgeirs bjargaði stigi á dramatískan hátt Endurkoma hjá Dagnýju „Er ekki bara kominn tími til að breyta þessu?“ Pössuðu að leikmenn Fulham væru aldrei einar með Al Fayed „Okkar að stöðva drauma þeirra í fæðingu“ Segir að Rashford hafi tekið lífsstílinn í gegn Bað börnin sín afsökunar á dánarbeðinum UEFA sé að missa þolinmæðina gagnvart Íslandi Iðrast gjörða sinna: „Var klárlega rangt af mér“ Gróðursetja tvö hundruð tré fyrir hvert skorað mark Ferguson saknar fótboltans Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Sjá meira
Eftir að hafa leikið með Augsburg frá 2016 skildu leiðir hjá Alfreð og þýska liðinu eftir síðasta tímabil. Hann hafði samband við Frey í júní og falaðist eftir því að æfa með Lyngby í júlí sem var auðfengið. Hann fékk strax góða tilfinningu fyrir liðinu sem er nýliði í dönsku úrvalsdeildinni. „Ég var mjög sáttur og leið hrikalega vel. Á þeim tíma vorum við samt ekkert að ræða um að ég yrði áfram. Það var nýtt fyrir mig að vera í þessari stöðu, samningslaus,“ sagði Alfreð í samtali við Vísi í gær. Hann hafði úr ýmsum tilboðum að velja, meðal annars frá liðum í þýsku B-deildinni og frá meira framandi slóðum. En á endanum samdi hann við Lyngby þar sem hann hittir fyrir Frey sem hann þekkir vel frá tíma þeirra saman með íslenska landsliðinu. Alfreð vonast til að koma ferlinum aftur á fulla ferð hjá Lyngby en sem kunnugt er hefur hann verið mikið frá vegna meiðsla undanfarin ár. Freyr Alexandersson kom Lyngby upp í dönsku úrvalsdeildina á síðasta tímabili.getty/Lars Ronbog „Maður vildi finna fyrir tilfinningunni að mín væri þörf og komast þannig aftur af stað. Ég vil spila fótboltaleiki og njóta þess aftur. Og ég hef fulla trú á því að það sé hægt hér. Ég þekki Frey og hvernig hann vinnur,“ sagði Alfreð. Eftir að hafa æft með Lyngby í júlí kom hann heim til Íslands og æfði með FH og Breiðabliki á meðan hann dvaldi hér. „Ég er í fínu æfingastandi en það er mjög erfitt að meta hvernig leikjaformið er. Vonandi fæst svar við því sem fyrst. Ég tel mig vera tilbúinn að spila. Tíminn leiðir í ljós hvað þetta tekur langan tíma,“ sagði Alfreð. Hann myndi ekki slá hendinni á móti því að spila þegar Lyngby tekur á móti Randers í 8. umferð dönsku úrvalsdeildarinnar á sunnudaginn. „Ég myndi treysta mér til að spila um helgina en hversu mikið veit ég ekki. Kannski er betra að byggja þetta upp skref fyrir skref.“ Alfreð hefur komið víða við á ferlinum en hefur ekki áður spilað í Danmörku.lyngby Alfreð fer ekki í neinar grafgötur með að Freyr hafi haft mikið um það að segja að hann samdi við Lyngby. „Lykiláhrif, ég neita því ekki. En hann setti enga gríðarlega pressu á mig og ég hef sjaldan lent í því að þjálfari ýti svona lítið á eftir mér. Hann útskýrði hvað ég fengi hérna og mína stöðu. Vonandi verður þetta gott samstarf,“ sagði Alfreð sem þarf ekki langan tíma til að koma sér inn í hlutina hjá Lyngby enda þekkir hann til þar eftir tíma sinn hjá félaginu fyrr í sumar. „Það hjálpar, ekki spurning. Fyrsti fasinn að kynnast mönnum er að baki. Ég þekki nöfnin. Þetta er léttur og góður hópur.“ Lyngby er fyrsti áfangastaður Sævars Atla Magnússonar í atvinnumennsku.vísir/hulda margrét Fyrir hjá Lyngby er annar íslenskur framherji, Sævar Atli Magnússon. Alfreð ber Breiðhyltingnum vel söguna. „Þetta er frábær drengur og góður fótboltamaður. Ekkert nema jákvætt um hann að segja. Er á öfugum enda við mig. Við náum mjög vel saman. Þetta er hrikalega þroskaður drengur miðað við aldur,“ sagði Alfreð sem vonast til að reynsla sín hjálpi Lyngby sem er á botni dönsku deildarinnar með einungis tvö stig eftir fyrstu sjö umferðirnar. „Maður reynir að vera fyrirmynd í því hvernig maður tekur á hlutunum. Það er gott að vera með reyndari leikmenn í klefanum til að róa mannskapinn,“ sagði Alfreð að endingu.
Danski boltinn Mest lesið Bein útsending: Bakgarðshlaupið í Heiðmörk Sport Veðmál systkina til lykta leitt: „Veit að ég mun aldrei tapa fyrir honum“ Sport Iðrast gjörða sinna: „Var klárlega rangt af mér“ Íslenski boltinn Sló 24 ára gamalt met Kára Steins, aftur Sport Í beinni: KA - Víkingur | Á sama tíma að ári Íslenski boltinn Bað börnin sín afsökunar á dánarbeðinum Fótbolti Pössuðu að leikmenn Fulham væru aldrei einar með Al Fayed Enski boltinn UEFA sé að missa þolinmæðina gagnvart Íslandi Íslenski boltinn Stöðvuðu bardaga Valgerðar Sport Díaz með tvö og Liverpool tyllti sér á toppinn Enski boltinn Fleiri fréttir Rúnar Þór lagði upp og setti boltann í eigið net Willum Þór gaf stoðsendingu Fulham fyrst til að vinna Newcastle og dramatík í Birmingham og Southampton Í beinni: Crystal Palace - Man. Utd | Er United komið á rétta braut? Spurs vann þrátt fyrir að lenda undir eftir hálfa mínútu Bayern búið að skora tuttugu mörk í síðustu þremur leikjum Í beinni: KA - Víkingur | Á sama tíma að ári Selfoss og KFA mætast í úrslitum Ásdís Karen skoraði í þriðja sigri Lillestrøm í röð Sjö KR-ingar heiðraðir á Anfield Orri í byrjunarliði Real Sociedad sem mistókst enn og aftur að skora Díaz með tvö og Liverpool tyllti sér á toppinn Jackson í stuði þegar Chelsea fór létt með West Ham Lið Ísaks og Valgeirs bjargaði stigi á dramatískan hátt Endurkoma hjá Dagnýju „Er ekki bara kominn tími til að breyta þessu?“ Pössuðu að leikmenn Fulham væru aldrei einar með Al Fayed „Okkar að stöðva drauma þeirra í fæðingu“ Segir að Rashford hafi tekið lífsstílinn í gegn Bað börnin sín afsökunar á dánarbeðinum UEFA sé að missa þolinmæðina gagnvart Íslandi Iðrast gjörða sinna: „Var klárlega rangt af mér“ Gróðursetja tvö hundruð tré fyrir hvert skorað mark Ferguson saknar fótboltans Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Sjá meira