Bein lýsing frá út­för Elísa­betar II Breta­drottningar á morgun

Heimir Már Pétursson fréttamaður mun lýsa því sem fyrir augu ber og setja í samhengi enda sögulegur atburður þar sem þjóðarleiðtogar alls staðar úr heiminum munu koma saman.

Við fylgjum drottningunni eftir í um sjö klukkustundir allt frá því að kista hennar verður flutt frá Westmister Hall í breska þinghúsinu yfir í Westmister Abbey þar sem hin opinbera útför fer fram þar til kista hennar kemur til minni athafnar í Windsor kastala. Þar verður hún síðan jarðsungin klukkan 18:30 að íslenskum tíma að viðstöddum einungis meðlimum fjölskyldu hennar.

Þá er Kristín Ólafsdóttir fréttamaður stödd í London og verður í beinni útsendingu á okkar miðlum í dag og á morgun til að lýsa andrúmsloftinu á götum úti og ræða við Íslendinga sem eru staddir í borginni til að verða vitni að þessum heimsviðburði.