Innlent

Fimm menn og fjórar leikfangabyssur

Hólmfríður Gísladóttir skrifar
Þó nokkur fjöldi var stöðvaður á höfuðborgarsvæðinu grunaður um akstur undir áhrifum.
Þó nokkur fjöldi var stöðvaður á höfuðborgarsvæðinu grunaður um akstur undir áhrifum. Vísir/Vilhelm

Lögreglan á höfuðborgarsvæðinu stöðvaði bifreið í gærkvöldi eða nótt eftir að hafa borist tilkynning um bíl með hóp manna innanborðs sem voru sagðir veifa skotvopnum. Fimm fullorðnir reyndust í bílnum en við leit í honum fundust fjórar leikfangabyssur sem hald var lagt á.

Nokkur fjöldi ökumanna var stöðvaður grunaður um akstur undir áhrifum en lögreglu bárust einnig tilkynningar um innbrot og þjófnað, meðal annars í geymslu og í verslun. Þar höfðu tvær rúður verið brotnar og búið að stela tóbaki.

Þá barst ein tilkynning um einstakling í annarlegu ástandi sem var að reyna að komast inn í bílskúr. Var hann fjarlægður af vettvangi og honum ekið heim.

Lögreglumál

Mest lesið


Fleiri fréttir

Sjá meira


×

Mest lesið