Ásgeir Kolbeins fer yfir hrekkinn óþægilega

Ásgeir var gestur í síðasta Einkalífsþætti.

Ásgeir hefur verið áberandi hér á landi frá áramótum. Það muna eflaust margir eftir því þegar Auðunn Blöndal tók hann fyrir í þættinum Tekinn á Stöð 2 á sínum tíma.

Það kom glögglega í ljós að Ásgeir er með eindæmum kurteis maður og sást það vel í algjörlega ómögulegum aðstæðum.

„Ég man mjög vel eftir þessu. Þetta var alveg gríðarlega óþægilegt. Auddi var með þennan þátt og hann er mjög góður vinur minn og þetta var bara það gott grín að ég vildi endilega að þetta yrði birt. Auðvitað hefði ég alveg getað verið mjög fúll á móti og ekki viljað að þetta færi í birtingu,“ segir Ásgeir sem var þarna mættur í myndatöku með erlendum manni sem byrjaði að reyna óþægilega mikið við hann á tökustað.

„Þarna voru bara aðstæður sem ég var settur inn í. Fólk byrjaði síðan að tala um mig eftir þáttinn að ég væri bara til í þennan mann og eitthvað. Ekki það að ég hafi neitt á móti samkynhneigðum eða neitt þannig, ég er bara ekki þar. Ég var alltaf að bíða eftir því að mannsekjan sem byrjaði myndatökuna með mér, hún Anna, kæmi til baka og myndi í raun bjarga mér.“

Umræðan um hrekkinn eftirminnilega hefst þegar 10 mínútur eru liðnar af þættinum.