Kvöldfréttir Stöðvar 2

Við fjöllum um málið í kvöldfréttum Stöðvar 2 og verðum í beinni útsendingu frá Alþingi þar sem þingmaður stjórnarandstöðunnar gerir athugasemdir við boðað frumvarp dómsmálaráðherra um auknar rannsóknarheimildir lögreglu.

Foreldri barns á leikskólanum Grandaborg, þar sem mygla fannst í sumar, segist orðið þreytt á endalausu hringli og loðnum svörum frá borginni. Mygla er í bráðabirgðahúsnæði sem hluti nemenda var færður í en flytja á þá enn einu sinni í byrjun desember. Við kynnum okkur málið í kvöldfréttum.

Þá kemur formaður stjórnar Landverndar í settið og fer yfir það sem bar hæst á loftslagsþinginu COP27. Við kíkjum einnig á hæsta stigabíl landsins sem var tekinn í notkun í haust og hittum fimmtán ára túbuleikara sem er í tveimur hljómsveitum.

Þetta og margt fleira á samtengdum rásum Bylgjunnar og Stöðvar 2 klukkan 18:30.