Enski boltinn

Frank Lampard rekinn frá Everton

Ingvi Þór Sæmundsson skrifar
Frank Lampard hefur stýrt Everton í síðasta skipti.
Frank Lampard hefur stýrt Everton í síðasta skipti. Getty Images/Matthew Ashton

Everton hefur rekið Frank Lampard úr starfi knattspyrnustjóra liðsins. Hann skilur við það í nítjánda og næstneðsta sæti ensku úrvalsdeildarinnar.

Lampard stýrði Everton í síðasta sinn þegar liðið tapaði 2-0 fyrir West Ham United á laugardaginn. Everton hefur aðeins fengið fimmtán stig í fyrstu tuttugu umferðunum og er tveimur stigum frá öruggu sæti.

Lampard tók við Everton af Rafa Benítez í janúar 2022. Liðið vann aðeins tólf af 44 leikjum sínum undir stjórn Lampards. Áður en hann tók við Everton stýrði hann Derby County og Chelsea.

Meðal þeirra sem hafa verið orðaðir við stjórastöðuna hjá Everton eru Sean Dyche, Marcelo Bielsa, Wayne Rooney og David Moyes.

Næsti leikur Everton er gegn toppliði Arsenal á Goodison Park laugardaginn 4. febrúar.

Enski boltinn

Mest lesið


Fleiri fréttir

Sjá meira


×

Mest lesið