„Þetta er upphafið að miklu ítarlegra plani“ Fanndís Birna Logadóttir skrifar 23. janúar 2023 17:32 Sólveig Anna Jónsdóttir, formaður Eflingar. Vísir/Arnar Verkfallsaðgerðir sem lagðar hafa verið fyrir hótelstarfsmenn sem eru í Eflingu er fyrsta skrefið í ítarlegu plani til að ná fram kjarasamningum að sögn formanns Eflingar. Náist ekki samningar megi gera ráð fyrir að fleiri stéttir muni fara í verkfall sem geti lamað höfuðborgarsvæðið. Samninganefnd Eflingar samþykkti á fundi sínum í gær verkfallsboðun en atkvæðagreiðsla hefst á hádegi á morgun meðal tæplega 300 félagsmanna sem starfa á sjö hótelum sem rekin eru af Íslandshótelum og Fosshótel. Fjallað var um málið í kvöldfréttum Stöðvar 2 í kvöld. Atkvæðagreiðslunni lýkur að kvöldi 30. janúar og ef aðgerðirnar verða samþykktar mun ótímabundið verkfall hefjast á hádegi 7. febrúar. Minnst fimmtíu og átta þeirra sem aðgerðirnar ná til verða að samþykkja verkfall svo úr verði. Sólveig Anna Jónsdóttir, formaður Eflingar segir þetta fyrsta skrefið en Efling sleit kjaraviðræðum við Samtök atvinnulífsins þann 10. janúar. „Við viljum auðvitað ná samningi en við erum með þetta tól í höndunum og við teljum að það sé ríkulegur vilji hjá félagsfólki til þess að beita því. Þetta er bara sú taktíska nálgun sem við notumst við að þessu sinni, að gera þetta svona,“ segir Sólveig Anna um aðgerðirnar og bætir við að hún upplifi mikla samstöðu og baráttuvilja. Aðeins upphafið af miklu ítarlegu plani Náist ekki samningar með þessum aðgerðum gerir Efling ráð fyrir að fleiri stéttir fari í verkfall. Efling hafi unnið að tímalínu í þeim efnum en að sögn Sólveigar verða þær upplýsingar ekki gerðar opinberar. „Þetta er upphafið af miklu ítarlegra plani sem að kemur þá í ljós eftir því sem fram vindur,“ segir hún. „Það fólk sem við erum nú að semja fyrir telur hátt í 21 þúsund manns þannig það er augljóst að án þessa vinnuafls þá væri höfuðborgarsvæðið bara stopp, í lamasessi. Það er svona svarið á þessum tímapunkti, fjölmargir geirar, risastór hópur af fólki sem að heldur hér öllu gangandi. Svo bara kemur það í ljós þegar að því kemur,“ segir hún enn fremur. Ríkissáttasemjari hefur boðað til fundar á morgun en Sólveig Anna Jónsdóttir, formaður Eflingar vill ekki lýsa því yfir að hún sé vongóð eða ekki vongóð. Samtök atvinnulífsins beri ábyrgð á atburðarrásinni sem nú sé farin af stað og þurfi að koma niður á jörðina. „Það er ekki hægt að afsaka það að ganga ekki til samninga við Eflingu, það er ekki hægt að afsaka það að samningsréttur Eflingar sé ekki virtur. Hvort þetta verði til þess að menn geri það sem þeir eigi að gera eins og þeim ber skylda til, því get ég ekki svarað. Það verður bara morgundagurinn að leiða í ljós,“ segir Sólveig. Harmar árásir forystu Starfsgreinasambandsins Hvað kröfur Eflingar varðar segir Sólveig þær sanngjarnar og hófstilltar. Tekist hefur verið á um sérstaka framfærsluuppbót fyrir verkafólk á höfuðborgarsvæðinu vegna hærri húsnæðiskostnaðar, sem formaður Starfsgreinasambandsins hefur meðal annars gagnrýnt. „Mín viðbrögð og viðbrögð samninganefndar Eflingar eru fyrst og fremst þau að harma þær árásir sem að félagsfólk Eflingar sem stendur í þessari erfiðri kjaradeilu hefur orðið fyrir frá forystu innan Starfsgreinasambandsins. Það er bara erfitt fyrir okkur að skilja hvernig í ósköpunum mönnum dettur til hugar að ráðast að vinnuafli höfuðborgarsvæðisins, láglaunafólki sem er einfaldlega að fara fram á að geta aukið möguleika sína til að lifa,“ segir Sólveig aðspurð um þá gagnrýni. „Ég get ekki skilið og ég mun aldrei skilja hvernig menn geta ekki staðið með láglaunafólki höfuðborgarsvæðisins. Það er óskiljanlegt fyrir mér að öllu leyti,“ segir hún enn fremur. Kjaraviðræður 2022-23 Kjaramál Stéttarfélög Reykjavík Mest lesið Segjast hafa verið neydd til að krjúpa tímunum saman og lýsa yfir ást sinni á Ísrael Innlent Lagði við Hverfisgötu eftir allt saman Innlent Boða aftur til kvennaverkfalls fimmtíu árum eftir það fyrsta Innlent „Ég held að það sé sterk friðarvon núna“ Innlent Trump segir Hamas og Ísraela hafa náð samkomulagi Erlent Ástæða til að hafa áhyggjur af vanfjármögnun spítalans Innlent Rannsaka hvort bílstjórinn hafi dottað Innlent Myndir: Hágrátið og hlegið þegar fréttir bárust af friðarsamkomulagi Erlent „Ég ætla ekki að jarða hann, ég ætla að hafa hann á lífi“ Innlent Utanríkisráðherra Palestínu á Íslandi á sögulegum tímum Innlent Fleiri fréttir Rannsaka hvort bílstjórinn hafi dottað „Alls ekki og engan veginn“ sé hægt að hagga ESB Selta olli rafmagnsleysi á Suðurlandi Friður á Gasa mögulega í sjónmáli og rætt við utanríkisráðherra Palestínu Mosfellingur hjá Strætó leiðir unga Framsóknarmenn „Hvað varð um að gera meira, hraðar?“ Veðrið setur strik í reikninginn Segjast hafa verið neydd til að krjúpa tímunum saman og lýsa yfir ást sinni á Ísrael Utanríkisráðherra Palestínu á Íslandi á sögulegum tímum Leit að meintum brennuvargi engu skilað Boða aftur til kvennaverkfalls fimmtíu árum eftir það fyrsta Lagði við Hverfisgötu eftir allt saman „Ég held að það sé sterk friðarvon núna“ Ástæða til að hafa áhyggjur af vanfjármögnun spítalans Meirihluti hlynntur þátttöku ef Ísrael er ekki með Varnargarðar hækkaðir við Grindavík Skýr afstaða landsmanna um hvort einkunnir eigi að vera í tölum eða bókstöfum „Auðvitað er ég hrædd um hana“ Ford vörubíll árgerð 1930 gefinn Byggðasafni Árnesinga „Ég ætla ekki að jarða hann, ég ætla að hafa hann á lífi“ Mamma Möggu Stínu gerir upp erfiðan dag Útlendingastofnun: Ekkert bendi til ómannúðlegrar meðferðar í Króatíu Hitnar undir feldi Lilju Játaði að hafa stolið tugum milljóna úr dánarbúi móður sinnar Játaði áralangt kynferðisofbeldi gegn stjúpdóttur sinni Bein útsending: Mótmæla handtöku Möggu Stínu Fékk aðsvif og missti bílinn yfir á annan vegarhelming Hefur áhyggjur af unga fólkinu Ungir Sjálfstæðismenn vilja stöðva hælisveitingar Sér fram á margar klukkustundir í fullkominni óvissu Sjá meira
Samninganefnd Eflingar samþykkti á fundi sínum í gær verkfallsboðun en atkvæðagreiðsla hefst á hádegi á morgun meðal tæplega 300 félagsmanna sem starfa á sjö hótelum sem rekin eru af Íslandshótelum og Fosshótel. Fjallað var um málið í kvöldfréttum Stöðvar 2 í kvöld. Atkvæðagreiðslunni lýkur að kvöldi 30. janúar og ef aðgerðirnar verða samþykktar mun ótímabundið verkfall hefjast á hádegi 7. febrúar. Minnst fimmtíu og átta þeirra sem aðgerðirnar ná til verða að samþykkja verkfall svo úr verði. Sólveig Anna Jónsdóttir, formaður Eflingar segir þetta fyrsta skrefið en Efling sleit kjaraviðræðum við Samtök atvinnulífsins þann 10. janúar. „Við viljum auðvitað ná samningi en við erum með þetta tól í höndunum og við teljum að það sé ríkulegur vilji hjá félagsfólki til þess að beita því. Þetta er bara sú taktíska nálgun sem við notumst við að þessu sinni, að gera þetta svona,“ segir Sólveig Anna um aðgerðirnar og bætir við að hún upplifi mikla samstöðu og baráttuvilja. Aðeins upphafið af miklu ítarlegu plani Náist ekki samningar með þessum aðgerðum gerir Efling ráð fyrir að fleiri stéttir fari í verkfall. Efling hafi unnið að tímalínu í þeim efnum en að sögn Sólveigar verða þær upplýsingar ekki gerðar opinberar. „Þetta er upphafið af miklu ítarlegra plani sem að kemur þá í ljós eftir því sem fram vindur,“ segir hún. „Það fólk sem við erum nú að semja fyrir telur hátt í 21 þúsund manns þannig það er augljóst að án þessa vinnuafls þá væri höfuðborgarsvæðið bara stopp, í lamasessi. Það er svona svarið á þessum tímapunkti, fjölmargir geirar, risastór hópur af fólki sem að heldur hér öllu gangandi. Svo bara kemur það í ljós þegar að því kemur,“ segir hún enn fremur. Ríkissáttasemjari hefur boðað til fundar á morgun en Sólveig Anna Jónsdóttir, formaður Eflingar vill ekki lýsa því yfir að hún sé vongóð eða ekki vongóð. Samtök atvinnulífsins beri ábyrgð á atburðarrásinni sem nú sé farin af stað og þurfi að koma niður á jörðina. „Það er ekki hægt að afsaka það að ganga ekki til samninga við Eflingu, það er ekki hægt að afsaka það að samningsréttur Eflingar sé ekki virtur. Hvort þetta verði til þess að menn geri það sem þeir eigi að gera eins og þeim ber skylda til, því get ég ekki svarað. Það verður bara morgundagurinn að leiða í ljós,“ segir Sólveig. Harmar árásir forystu Starfsgreinasambandsins Hvað kröfur Eflingar varðar segir Sólveig þær sanngjarnar og hófstilltar. Tekist hefur verið á um sérstaka framfærsluuppbót fyrir verkafólk á höfuðborgarsvæðinu vegna hærri húsnæðiskostnaðar, sem formaður Starfsgreinasambandsins hefur meðal annars gagnrýnt. „Mín viðbrögð og viðbrögð samninganefndar Eflingar eru fyrst og fremst þau að harma þær árásir sem að félagsfólk Eflingar sem stendur í þessari erfiðri kjaradeilu hefur orðið fyrir frá forystu innan Starfsgreinasambandsins. Það er bara erfitt fyrir okkur að skilja hvernig í ósköpunum mönnum dettur til hugar að ráðast að vinnuafli höfuðborgarsvæðisins, láglaunafólki sem er einfaldlega að fara fram á að geta aukið möguleika sína til að lifa,“ segir Sólveig aðspurð um þá gagnrýni. „Ég get ekki skilið og ég mun aldrei skilja hvernig menn geta ekki staðið með láglaunafólki höfuðborgarsvæðisins. Það er óskiljanlegt fyrir mér að öllu leyti,“ segir hún enn fremur.
Kjaraviðræður 2022-23 Kjaramál Stéttarfélög Reykjavík Mest lesið Segjast hafa verið neydd til að krjúpa tímunum saman og lýsa yfir ást sinni á Ísrael Innlent Lagði við Hverfisgötu eftir allt saman Innlent Boða aftur til kvennaverkfalls fimmtíu árum eftir það fyrsta Innlent „Ég held að það sé sterk friðarvon núna“ Innlent Trump segir Hamas og Ísraela hafa náð samkomulagi Erlent Ástæða til að hafa áhyggjur af vanfjármögnun spítalans Innlent Rannsaka hvort bílstjórinn hafi dottað Innlent Myndir: Hágrátið og hlegið þegar fréttir bárust af friðarsamkomulagi Erlent „Ég ætla ekki að jarða hann, ég ætla að hafa hann á lífi“ Innlent Utanríkisráðherra Palestínu á Íslandi á sögulegum tímum Innlent Fleiri fréttir Rannsaka hvort bílstjórinn hafi dottað „Alls ekki og engan veginn“ sé hægt að hagga ESB Selta olli rafmagnsleysi á Suðurlandi Friður á Gasa mögulega í sjónmáli og rætt við utanríkisráðherra Palestínu Mosfellingur hjá Strætó leiðir unga Framsóknarmenn „Hvað varð um að gera meira, hraðar?“ Veðrið setur strik í reikninginn Segjast hafa verið neydd til að krjúpa tímunum saman og lýsa yfir ást sinni á Ísrael Utanríkisráðherra Palestínu á Íslandi á sögulegum tímum Leit að meintum brennuvargi engu skilað Boða aftur til kvennaverkfalls fimmtíu árum eftir það fyrsta Lagði við Hverfisgötu eftir allt saman „Ég held að það sé sterk friðarvon núna“ Ástæða til að hafa áhyggjur af vanfjármögnun spítalans Meirihluti hlynntur þátttöku ef Ísrael er ekki með Varnargarðar hækkaðir við Grindavík Skýr afstaða landsmanna um hvort einkunnir eigi að vera í tölum eða bókstöfum „Auðvitað er ég hrædd um hana“ Ford vörubíll árgerð 1930 gefinn Byggðasafni Árnesinga „Ég ætla ekki að jarða hann, ég ætla að hafa hann á lífi“ Mamma Möggu Stínu gerir upp erfiðan dag Útlendingastofnun: Ekkert bendi til ómannúðlegrar meðferðar í Króatíu Hitnar undir feldi Lilju Játaði að hafa stolið tugum milljóna úr dánarbúi móður sinnar Játaði áralangt kynferðisofbeldi gegn stjúpdóttur sinni Bein útsending: Mótmæla handtöku Möggu Stínu Fékk aðsvif og missti bílinn yfir á annan vegarhelming Hefur áhyggjur af unga fólkinu Ungir Sjálfstæðismenn vilja stöðva hælisveitingar Sér fram á margar klukkustundir í fullkominni óvissu Sjá meira