Fótbolti

Glódís Perla kom Bayern á bragðið

Hjörvar Ólafsson skrifar
Glódís Perla Viggósdóttir tók með sér skotskóna í leikinn í dag. 
Glódís Perla Viggósdóttir tók með sér skotskóna í leikinn í dag.  Vísir/Getty

Glódís Perla Viggósdóttir, fyrirliði íslenska kvennalandsliðsins í fótbolta, skoraði fyrra mark liðs síns, Bayern München þegar liðið lagði Eintracht Frankfurt að velli með tveimur mörkum gegn einu í þýsku efstu deildinni í dag. 

Mark Glódísar Perlu, sem spilaði allan leikinn í hjarta varnarinnar, hjá Bayern München kom um miðjan fyrri hálfleikinn. 

Karólína Lea Vilhjálmsdóttir, sem er að koma til baka eftir meiðsli, sat allan tímann á varamannabekk Bayern München en Cecilia Rán Rúnarsdóttir var ekki í leikmannahópi liðsins í þessum leik. 

Bayern München situr í öðru sæti deildarinnar en Sveindís Jane Jónsdóttir og samherjar hennar hjá Wolfsburg tróna á toppi deildarinnar og Eintracht Frankfurt er svo í þriðja sæti. 

Þýski boltinn

Mest lesið


Fleiri fréttir

Sjá meira


×

Mest lesið