Íslenskir veiðimenn í útrás

Algeng hækkun er 3-5% en dæmi eru um allt að 40% hækkun á milli ára og það þykir mörgum orðið of mikið. Dæmi eru um holl í þokkalegri á hafi farið úr 80.000 kr stöngin á dag í 115.000 kr á dag og þá á eftir að greiða fæðisgjald í húsi sem líka hefur hækkað. Verðið á hús og fæðisgjaldi á aðaltímanum er frá 28.000 upp í 39.000 á mann á mörgum af aðal ánum og ef þú ert með leiðsögumann líka þá bætist við þetta 70-90.000 krónur á dag.

Staðan er þannig að Íslenskir veiðimenn hafa í gegnum árin verið að taka jaðartímann í laxveiðiánum en þar er líklega þolmörkum náð í verðlagi og það verður greinilegt þegar nær dregur sumri og laus holl fara í opinbera sölu. Veiðivísir hefur nú þegar heyrt og fengið staðfest laus holl í ám sem eru með þeim eftirsóttari á landinu og það verður að teljast til frétta. 

Í þessari stöðu er ekkert skrítið þó að Íslenskir veiðimenn séu farnir að fara út fyrir landsteinana til að veiða en samanburður á verði er Íslandi ekki í hag. Það eina sem er kannski verið að gera öðruvísi er hvaða fiska er verið að veiða en það er samt ekki algilt. Veiðar í suðurhöfum eru orðnar mjög vinsælar og það er hægt að fara í vikuferð með flugi, hóteli og öllu sem tengist veiðinni fyrir svipaðan pening og þriggja daga holl á þokkalegum jaðartíma á Íslandi og það skemmir ekki að veðrið er oftar ekki ekki töluvert betra.

Engum skal samt dyljast að það er fátt eins gaman og að veiða í Íslenskri náttúru en á tímum verðbólgu, vaxtahækkana og óvissu á mörkuðum er farið að þrengja verulega að kaupgetu Íslenskra veiðimanna í Íslenskum ám og það eitt og sér er frekar sorgleg þróun.