Erlent

BBC neitar ásökunum um ritskoðun

Auður Ösp Guðmundsdóttir skrifar
Umræddur þáttur fjallar um náttúruspjöll á Bretlandseyjum og orsakir þeirra.
Umræddur þáttur fjallar um náttúruspjöll á Bretlandseyjum og orsakir þeirra. Getty

Ákvörðun breska ríkisútvarpsins BBC, um að sýna ekki lokaþátt úr Wild Isles, nýrri þáttaröð Davids Attenborough hefur vakið hörð viðbrögð. Umræddur þáttur fjallar um náttúruspjöll á Bretlandseyjum og orsakir þeirra en samkvæmt heimildum The Guardian var hætt við að sýna þáttinn þar sem forsvarsmenn BBC óttuðust gagnrýnisraddir frá Íhaldsflokknum og hægri sinnuðum fjölmiðlum.

Samkvæmt frétt The Guardian var það ákvörðun BBC að sýna fimm þætti af þeim sex sem voru framleiddir, og hafa þann sjötta einungis aðgengilegan í streymisveitu ríkisútvarpsins.

Á meðal þeirra sem gagnrýnt hafa ákvörðun BBC er Caroline Lucas, þingmaður Græningjaflokks Bretlands, sem segir ákvörðunina ófyrirgefanlega vanrækslu á upplýsingaskyldu við almenning. 

Þá hefur Tom Watson, þingmaður Verkamannaflokksins bent á að augljóslega sé pottur brotinn í stjórn BBC þegar verið sé að ritskoða virtan og vel liðinn þáttagerðarmann á borð við Attenborough.

Talsmaður BBC vísar þessum ásökunum hins vegar á bug. Wild Isles sé, og hafi alltaf verið fimm þátta sería. Umræddur sjötti þáttur hafi hins vegar verið framleiddur sér og sé ekki hluti af Wild Isles seríunni.

Fjölmiðlar Bretland Umhverfismál

Mest lesið


Fleiri fréttir

Sjá meira


×

Mest lesið