Handbolti

Gísli Þorgeir framlengir samning sinn við Magdeburg

Arnar Geir Halldórsson skrifar
Gísli Þorgeir Kristjánsson.
Gísli Þorgeir Kristjánsson. Vísir/Getty

Íslenski landsliðsmaðurinn Gísli Þorgeir Kristjánsson hefur endurnýjað samning sinn við þýska meistaraliðið Magdeburg.

Þessi 23 ára gamli leikstjórnandi hefur verið í lykilhlutverki í sóknarleik þýska stórliðsins á undanförnum árum og gerir nú nýjan samning sem gildir til ársins 2028.

Gísli Þorgeir, sem hóf feril sinn með FH hefur leikið með Magdeburg frá árinu 2020 en áður hafði hann verið á mála hjá öðru þýsku stórliði, Kiel í tvö ár.

Magdeburg er um þessar mundir í 3.sæti þýsku deildarinnar, tveimur stigum á eftir toppliði Fuchse Berlin en Magdeburg er ríkjandi Þýskalands- og heimsmeistari í handbolta.

Þýski handboltinn

Mest lesið


Fleiri fréttir

Sjá meira


×

Mest lesið