Frábær veiði á ION svæðinu í Þingvallavatni.

Veiði hófst þar 1. apríl eins og víða annars staðar og það er óhætt að segja að um mokveiði hafi verið að ræða. Alls veiddust eitthvað yfir 80 fiskar fyrsta daginn. Ástæðan fyrir því að nákvæmari tala liggur ekki fyrir er að einn af þeim sem var við veiðar sagði að menn hefðu bara hætt að telja enda staðan þanmnig að fiskum var landað jafnt og þétt allann daginn.

Þetta er ekki eitt af þeim veiðisvæðum þar sem lausar stangir eru auglýstar reglulega, því er fjarri. Þarna þarf að bóka eitt til þrjú ár fram í tímann til að eiga möguleika á að komast að. Erlendir veiðimenn eru mjög fjölmennir á þessu svæði og þeir sem hafa veitt víða í heiminum fullyrða að hvergi sé hægt að komast í jafn mikla veiði á jafn stórum fiskum á jafn stuttum tíma eins og á góðum degi á ION.