Alisson og Henderson rifust gegn Chelsea

Leiknum lyktaði með markalausu jafntefli þrátt fyrir að Chelsea hafi fengið nokkur álitleg færi til að skora.

Eitt slíkt kom eftir misskilning milli Brasilíumannanna hjá Liverpool, Alissons og Fabinhos. Jordan Henderson, fyrirliði Liverpool, var ekki sáttur með þann fyrrnefnda og lét hann heyra það.

Alisson svaraði fyrir sig og samherjarnir skiptust á orðum þar til Joël Matip steig í milli og róaði þá.

Eftir 7-0 sigur á Manchester United hefur Liverpool ekki unnið leik og er í 8. sæti ensku úrvalsdeildarinnar.