Íslenski boltinn

Kjóstu besta leikmanninn í maí

Sindri Sverrisson skrifar
Sjö leikmenn eru tilnefndir sem sá besti í maí, í Bestu deild karla í fótbolta.
Sjö leikmenn eru tilnefndir sem sá besti í maí, í Bestu deild karla í fótbolta. Stöð 2 Sport

Sjö leikmenn eru tilnefndir sem leikmaður mánaðarins í Bestu deild karla í fótbolta. Það eru lesendur Vísis sem sjá um að kjósa þann besta.

Gummi Ben og félagar í Stúkunni greindu frá því í gærkvöld hvaða sjö leikmenn hefðu verið tilnefndir sem leikmaður maí-mánaðar. Þrír þeirra eru úr toppliði Víkings, tveir úr Breiðabliki og tveir úr Val.

Klippa: Besti leikmaður maí í Bestu deild karla

Hér að neðan er hægt að taka þátt í kosningunni sem stendur yfir í tvo daga, en úrslitin verða svo tilkynnt í næsta þætti Stúkunnar á Stöð 2 Sport, á föstudagskvöld.

Örvar Eggertsson úr HK var kosinn leikmaður mánaðarins í apríl en hann er ekki tilnefndur að þessu sinni. Þrír leikmenn eru hins vegar tilnefndir í annað sinn en það eru Víkingarnir Birnir Snær Ingason og Oliver Ekroth, og Blikinn Stefán Ingi Sigurðarson sem er markahæstur í deildinni með sjö mörk.

Einnig eru tilnefndir þeir Adam Ægir Pálsson og Hlynur Freyr Karlsson úr Val, Nikolaj Hansen úr Víkingi og Gísli Eyjólfsson úr Breiðabliki.

Besta deildin er á Stöð 2 Sport. Smelltu hér til að horfa á leiki og þætti. Besta deildin er hluti af Stöð 2 Sport Ísland sem kostar 4.990 kr. á mánuði og má kaupa hér.

Besta deild karla Breiðablik Valur Víkingur Reykjavík Leikmaður mánaðarins í Bestu deildinni

Mest lesið


Fleiri fréttir

Sjá meira


×

Mest lesið