Fótbolti

Sjáðu mörkin og rauða spjaldið úr Eyjum í gær

Hjörtur Leó Guðjónsson skrifar
Sindri Snær Magnússon fékk beint rautt spjald á 64. mínútu.
Sindri Snær Magnússon fékk beint rautt spjald á 64. mínútu. Vísir/Stöð 2 Sport

ÍBV og Keflavík gerðu 1-1 jafntefli er liðin mættust í Bestu-deild karla í knattspyrnu í gær. Keflvíkingar léku seinasta hálftíman manni færri, en heimamenn náðu ekki að nýta sér liðsmuninn.

Hermann Þór Ragnarsson braut ísinn fyrir Eyjamenn á 43. mínútu eftir góðan undirbúning Olivers Heiðarssonar. Oliver átti þá sprett á hægri kantinum áður en hann renndi boltanum á Hermann Þór sem skoraði af stuttu færi.

Keflvíkingar voru hins vegar ekkert að slóra eftir að síðari hálfleikurinn hófst því Sami Kamel jafnaði metin fyrir gestina strax á 48. mínútu með hnitmiðuðu skoti.

Gestirnir í botnliði Keflavíkur þurftu þó að leika seinasta hálftíma leiksins manni færri eftir að Sindri Snær Magnússon fékk beint rautt spjald á 64. mínútu. Sindri og Tómas Bent Magnússon lágu báðir í grasinu og eftir að dómarinn flautaði sparkaði Sindri í andlitið á Tómasi Bent. Boltinn var hjá hausnum á Tómasi en þetta var afar heimskuleg tilraun hjá Sindra sem fékk verðskuldað beint rautt spjald.

Þrátt fyrir að vera manni fleiri tóks Eyjamönnum ekki að nýta sér liðsmuninn og niðurstaðan varð 1-1 jafntefli. ÍBV situr nú í sjöunda sæti með 17 stig eftir 15 leiki, en Keflvíkingar eru enn á botninum, nú með tíu stig.




Fleiri fréttir

Sjá meira


×