Kynntu nýjan samning Birnis með Wolf of Wall Street myndbandi

Íslandsmeistarar Breiðabliks höfðu áhuga á að fá Birni en hann hefur nú framlengt samning sinn við Víking.

Bikarmeistararnir greindu frá nýja samningnum með skemmtilegu myndbandi á Twitter. 

Í upphafi þess er stutt myndbrot úr frægu atriði í kvikmyndinni The Wolf of Wall Street þar sem Leonardo DiCaprio í hlutverki Jordans Belfort tilkynnir að hann ætli ekki að yfirgefa fyrirtækið Stratton Oakmont þrátt fyrir rannsóknir yfirvalda.

Birnir hefur verið einn besti leikmaður Bestu deildarinnar í sumar. Hann hefur skorað sex mörk fyrir Víking sem er með sex stiga forskot á toppi deildarinnar.

Næsti leikur Víkings er gegn ÍBV á sunnudaginn.