Ágústspá Siggu Kling: „Ekki segja ég nenni þessu ekki“

Sigga Kling skrifar 4. ágúst 2023 07:01

Elsku Tvíburinn minn, Það eru alveg svakaleg daga skipti í líðan og tilfinningum hjá þér, því að þú átt það til að spenna bogann mjög hátt og svo ekki vera alveg viss hvert þú villt skjóta örinni.

Tvíburi er frá 21. maí til 21. júní.

Það er verið að senda þér leiðsögn úr öllum áttum, þú jafnvel lest eitthvað og það eru skilaboð til þín.

Vinkona þín eða vinur þinn, manneskja hvort sem þú þekkir hana eða ekki, kemur með skilaboð til þín sem þú getur nýtt þér svo mikið. Það er eins og þú rekist á engla sem púðra yfir þig englaryki þér til trausts og halds.

Þú ert í hendi þinni með lykilinn að lífinu og það eru fjórar hurðir fyrir framan þig og þegar þú stingur lyklinum í skránna þá opnast hurðin en málið er að lykilinn passar á allar þessar dyr. Dyrnar sem eru velmegun, kærleikur og ást, frelsi og að draumarnir sem þú ert búin að óska þér komi til þín.

Klippa: Ágústspá Siggu Kling - Tvíburinn

Þú mátt ekki nota orðið ég nenni ekki þessu, ég nenni ekki hinu og öllu, því þá passar lykilinn ekki í neina hurð. Það er svo ótrúlega mikil breyting í alheimsorkunni í kringum okkur öll, í kringum þig þessa dagana.

Þar sem þú ert búin að hafa mikil áhrif á einstaklinga sem hafa orðið á vegi þínum, þá er þetta gjöf til þín, KARMA sem þú átt svo mikið inni og hefur unnið fyrir, er að koma til þín og breyta lífskjörunum í kringum þig til hins betra fyrir þig, svo njóttu, treystu og trúðu elsku tvíburinn minn.

Knús og kossar

Sigga Kling