Átján íslenskir fulltrúar í sterkustu deild heims Ingvi Þór Sæmundsson skrifar 24. ágúst 2023 10:01 Keppni í þýsku úrvalsdeildinni í handbolta hefst í dag. Eins og oft áður verða Íslendingar áberandi í þessari sterkustu deild heims. Tveir leikir fara fram í dag. Erlangen tekur á móti Hannover-Burgdorf og Hamburg sækir Flensburg heim. Leikur Flensburg og Hamburg hefst klukkan 17:00 og verður sýndur beint á Vodafone sport. Ísland á alls átján fulltrúa í þýsku úrvalsdeildinni tímabilið 2023-24. Hér fyrir neðan má sjá yfirlit yfir þá. Magdeburg Þrír Íslendingar leika með Evrópumeisturum Magdeburg sem enduðu í 2. sæti þýsku deildarinnar á síðasta tímabili, aðeins tveimur stigum á eftir Kiel. Ómar Ingi Magnússon og Gísli Þorgeir Kristjánsson hafa báðir verið í herbúðum Magdeburg frá 2020. Þeir unnu EHF-bikarinn með liðinu 2021, heimsmeistaratitil félagsliða 2021 og 2022, þýska meistaratitilinn 2022 og Meistaradeild Evrópu 2023. Gísli Þorgeir var valinn besti leikmaður úrslitahelgar Meistaradeildarinnar þrátt fyrir að hafa farið úr axlarlið í undanúrslitunum gegn Barcelona. Hafnfirðingurinn fór undir hnífinn í sumar og verður frá keppni fyrstu mánuði tímabilsins. Til að fylla skarð Gísla Þorgeirs fékk Magdeburg Janus Daða Smárason frá blanka norska ofurliðinu Kolstad. Selfyssingurinn þekkir vel til í Þýskalandi en hann lék með Göppingen á árunum 2020-22. Sveitungi Janusar, Ómar Ingi, er ekki enn kominn aftur á völlinn vegna meiðsla á hæl sem héldu honum frá keppni seinni hluta síðasta tímabils. Mikið mun því mæða á Svíanum Albin Lagergren, sem kom frá Rhein-Neckar Löwen í sumar, þangað til Ómar Ingi snýr aftur. Magdeburg fékk einnig landa Lagergrens, Felix Claar, frá Álaborg. Flensburg Maðurinn sem leysti Ómar Inga af hjá Magdeburg seinni hluta síðasta tímabils, Kay Smits, er farinn til Flensburg þar sem hann deilir stöðu hægri skyttu með Teiti Erni Einarssyni. Selfyssingurinn kom til Flensburg frá Kristianstad í október 2021. Flensburg endaði í 4. sæti þýsku deildarinnar á síðasta tímabili og var tíu stigum á eftir meisturum Kiel. Árangurinn þótti ekki ásættanlegur og Maik Machulla var látinn taka pokann sinn. Við starfi hans tók Nicolej Krickau sem gerði GOG að dönskum meisturum og var orðaður við íslenska landsliðið. Flensburg fékk einnig danska ungstirnið Simon Pytlick frá GOG. Rhein-Neckar Löwen Ýmir Örn Gíslason er að hefja sitt fjórða tímabil hjá Rhein-Neckar Löwen sem endaði í 5. sæti á síðasta tímabili og varð bikarmeistari eftir sigur á Magdeburg í vítakeppni í úrslitaleik. Annar Valsmaður bættist í hóp Ljónanna frá Mannheim í sumar, Arnór Snær Óskarsson. Hann sló í gegn með Val í Evrópudeildinni á síðasta tímabili. Arnór fylgir þar með í fótspor tveggja annarra íslenskra örvhentra skyttna, Ólafs Stefánsson og Alexanders Petersson, sem léku með Löwen við góðan orðstír. Hannover-Burgdorf Á síðasta tímabili endaði Hannover-Burgdorf í 6. sæti þýsku deildarinnar. Heiðmar Felixsson er aðstoðarmaður þjálfara liðsins, Christians Prokop. Melsungen Tveir Íslendingar leika með Melsungen, Arnar Freyr Arnarsson og Elvar Örn Jónsson. Arnar Freyr gekk í raðir Melsungen frá Kristianstad í Svíþjóð 2020. Ári seinna kom Elvar Örn frá danska liðinu Skjern. Melsungen endaði í 9. sæti í fyrra. Gummersbach Á síðasta tímabili endaði Gummersbach í 10. sæti. Árangurinn þótti það góður að Guðjón Valur Sigurðsson var valinn þjálfari ársins í Þýskalandi. Guðjón Valur tók við Gummersbach fyrir þremur árum og hefur náð frábærum árangri með liðið. Guðjón Valur lék með Gummersbach á árunum 2005-08. Tveir Eyjamenn leika undir stjórn Guðjóns Vals hjá Gummersbach, Elliði Snær Viðarsson og Hákon Daði Styrmisson. Sá fyrrnefndi kom til Gummersbach fyrir þremur árum en sá síðarnefndi fyrir tveimur árum. Leipzig Hinn íslenski þjálfarinn í þýsku deildinni, Rúnar Sigtryggsson, stýrir Leipzig. Hann tók nokkuð óvænt við liðinu síðasta haust og skilaði því í 11. sæti. Aðalmaðurinn í liði Leipzig er Viggó Kristjánsson. Hann var meiddur undir lok síðasta tímabils en snýr aftur á völlinn núna í haust. Í sumar fékk Leipzig Andra Má Rúnarsson, son Rúnars, til liðsins. Hann var einn besti leikmaður íslenska U-21 árs landsliðsins sem endaði í 3. sæti á HM í sumar. Bergischer Eftir að hafa leikið með Bergischer frá 2012 lagði Arnór Þór Gunnarsson skóna á hilluna í haust. Hann tók í kjölfarið við þjálfarastöðu hjá Bergischer sem endaði í 12. sæti þýsku deildarinnar á síðasta tímabili. Balingen Tveir Íslendingar leika með nýliðum Balingen, Oddur Gretarsson og Daníel Þór Ingason. Oddur hefur leikið með Balingen frá 2017 en Daníel kom fyrir tveimur árum. Þýska úrvalsdeildin í handbolta verður í beinni á Vodafone Sport í allan vetur. Þýski handboltinn Mest lesið „Hún reif í mig og hraunaði yfir mig, á Marilegan hátt“ Sport Guðmundur miður sín eftir stórtap: „Eitt það versta sem ég hef upplifað lengi“ Handbolti Stöðvuðu bardaga alblóðugrar Valgerðar Sport Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Óttast um öryggi fjölskyldunnar og neyðist til að flytja Sport Var kennari og þjálfaði karlalið þegar hann stýrði kvennalandsliðinu Fótbolti Aðeins einn löglegur dúkur svo Valur og FH byrja saman í Krikanum Handbolti Fleiri fréttir Ólafur með fjögur mörk í fyrsta sigri Karlskrona Í beinni: Fjölnir - HK | Tekst nýliðunum það sem meisturum FH tókst ekki? Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Fyrsti sigurinn hjá bæði Stjörnukonum og Framkörlum Segir að Haukur Þrastar geti gert mikið fyrir íslenska landsliðið á HM í janúar Stjarnan sótti ekki gull í greipar Eyjamanna „Þurfum að vera fljótir að læra“ Sjá meira
Tveir leikir fara fram í dag. Erlangen tekur á móti Hannover-Burgdorf og Hamburg sækir Flensburg heim. Leikur Flensburg og Hamburg hefst klukkan 17:00 og verður sýndur beint á Vodafone sport. Ísland á alls átján fulltrúa í þýsku úrvalsdeildinni tímabilið 2023-24. Hér fyrir neðan má sjá yfirlit yfir þá. Magdeburg Þrír Íslendingar leika með Evrópumeisturum Magdeburg sem enduðu í 2. sæti þýsku deildarinnar á síðasta tímabili, aðeins tveimur stigum á eftir Kiel. Ómar Ingi Magnússon og Gísli Þorgeir Kristjánsson hafa báðir verið í herbúðum Magdeburg frá 2020. Þeir unnu EHF-bikarinn með liðinu 2021, heimsmeistaratitil félagsliða 2021 og 2022, þýska meistaratitilinn 2022 og Meistaradeild Evrópu 2023. Gísli Þorgeir var valinn besti leikmaður úrslitahelgar Meistaradeildarinnar þrátt fyrir að hafa farið úr axlarlið í undanúrslitunum gegn Barcelona. Hafnfirðingurinn fór undir hnífinn í sumar og verður frá keppni fyrstu mánuði tímabilsins. Til að fylla skarð Gísla Þorgeirs fékk Magdeburg Janus Daða Smárason frá blanka norska ofurliðinu Kolstad. Selfyssingurinn þekkir vel til í Þýskalandi en hann lék með Göppingen á árunum 2020-22. Sveitungi Janusar, Ómar Ingi, er ekki enn kominn aftur á völlinn vegna meiðsla á hæl sem héldu honum frá keppni seinni hluta síðasta tímabils. Mikið mun því mæða á Svíanum Albin Lagergren, sem kom frá Rhein-Neckar Löwen í sumar, þangað til Ómar Ingi snýr aftur. Magdeburg fékk einnig landa Lagergrens, Felix Claar, frá Álaborg. Flensburg Maðurinn sem leysti Ómar Inga af hjá Magdeburg seinni hluta síðasta tímabils, Kay Smits, er farinn til Flensburg þar sem hann deilir stöðu hægri skyttu með Teiti Erni Einarssyni. Selfyssingurinn kom til Flensburg frá Kristianstad í október 2021. Flensburg endaði í 4. sæti þýsku deildarinnar á síðasta tímabili og var tíu stigum á eftir meisturum Kiel. Árangurinn þótti ekki ásættanlegur og Maik Machulla var látinn taka pokann sinn. Við starfi hans tók Nicolej Krickau sem gerði GOG að dönskum meisturum og var orðaður við íslenska landsliðið. Flensburg fékk einnig danska ungstirnið Simon Pytlick frá GOG. Rhein-Neckar Löwen Ýmir Örn Gíslason er að hefja sitt fjórða tímabil hjá Rhein-Neckar Löwen sem endaði í 5. sæti á síðasta tímabili og varð bikarmeistari eftir sigur á Magdeburg í vítakeppni í úrslitaleik. Annar Valsmaður bættist í hóp Ljónanna frá Mannheim í sumar, Arnór Snær Óskarsson. Hann sló í gegn með Val í Evrópudeildinni á síðasta tímabili. Arnór fylgir þar með í fótspor tveggja annarra íslenskra örvhentra skyttna, Ólafs Stefánsson og Alexanders Petersson, sem léku með Löwen við góðan orðstír. Hannover-Burgdorf Á síðasta tímabili endaði Hannover-Burgdorf í 6. sæti þýsku deildarinnar. Heiðmar Felixsson er aðstoðarmaður þjálfara liðsins, Christians Prokop. Melsungen Tveir Íslendingar leika með Melsungen, Arnar Freyr Arnarsson og Elvar Örn Jónsson. Arnar Freyr gekk í raðir Melsungen frá Kristianstad í Svíþjóð 2020. Ári seinna kom Elvar Örn frá danska liðinu Skjern. Melsungen endaði í 9. sæti í fyrra. Gummersbach Á síðasta tímabili endaði Gummersbach í 10. sæti. Árangurinn þótti það góður að Guðjón Valur Sigurðsson var valinn þjálfari ársins í Þýskalandi. Guðjón Valur tók við Gummersbach fyrir þremur árum og hefur náð frábærum árangri með liðið. Guðjón Valur lék með Gummersbach á árunum 2005-08. Tveir Eyjamenn leika undir stjórn Guðjóns Vals hjá Gummersbach, Elliði Snær Viðarsson og Hákon Daði Styrmisson. Sá fyrrnefndi kom til Gummersbach fyrir þremur árum en sá síðarnefndi fyrir tveimur árum. Leipzig Hinn íslenski þjálfarinn í þýsku deildinni, Rúnar Sigtryggsson, stýrir Leipzig. Hann tók nokkuð óvænt við liðinu síðasta haust og skilaði því í 11. sæti. Aðalmaðurinn í liði Leipzig er Viggó Kristjánsson. Hann var meiddur undir lok síðasta tímabils en snýr aftur á völlinn núna í haust. Í sumar fékk Leipzig Andra Má Rúnarsson, son Rúnars, til liðsins. Hann var einn besti leikmaður íslenska U-21 árs landsliðsins sem endaði í 3. sæti á HM í sumar. Bergischer Eftir að hafa leikið með Bergischer frá 2012 lagði Arnór Þór Gunnarsson skóna á hilluna í haust. Hann tók í kjölfarið við þjálfarastöðu hjá Bergischer sem endaði í 12. sæti þýsku deildarinnar á síðasta tímabili. Balingen Tveir Íslendingar leika með nýliðum Balingen, Oddur Gretarsson og Daníel Þór Ingason. Oddur hefur leikið með Balingen frá 2017 en Daníel kom fyrir tveimur árum. Þýska úrvalsdeildin í handbolta verður í beinni á Vodafone Sport í allan vetur.
Þýski handboltinn Mest lesið „Hún reif í mig og hraunaði yfir mig, á Marilegan hátt“ Sport Guðmundur miður sín eftir stórtap: „Eitt það versta sem ég hef upplifað lengi“ Handbolti Stöðvuðu bardaga alblóðugrar Valgerðar Sport Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Óttast um öryggi fjölskyldunnar og neyðist til að flytja Sport Var kennari og þjálfaði karlalið þegar hann stýrði kvennalandsliðinu Fótbolti Aðeins einn löglegur dúkur svo Valur og FH byrja saman í Krikanum Handbolti Fleiri fréttir Ólafur með fjögur mörk í fyrsta sigri Karlskrona Í beinni: Fjölnir - HK | Tekst nýliðunum það sem meisturum FH tókst ekki? Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Fyrsti sigurinn hjá bæði Stjörnukonum og Framkörlum Segir að Haukur Þrastar geti gert mikið fyrir íslenska landsliðið á HM í janúar Stjarnan sótti ekki gull í greipar Eyjamanna „Þurfum að vera fljótir að læra“ Sjá meira