Veiðin - Þriðji þáttur með Ásgeiri Heiðar

Karl Lúðvíksson skrifar 16. september 2023 09:02

Ásgeir Heiðar og Gunnar Bender ræða málin við Breiðuna

Þá er þriðji þátturinn af Veiðin með Gunnari Bender að koma á Vísi og að þessu sinni er ekki ráðist á garðinn þar sem hann er lægstur.

Gunnar fór í Elliðaárnar með engum öðrum en Ásgeiri Heiðari en það er óhætt að segja að það eru fáir sem þekkja ánna jafnvel og hann. Ásgeir Heiðar er einn af mestu reynsluboltum í veiði á Íslandi.

Klippa: Veiðin með Gunnari Bender - 3. þáttur

Hann hefur í fjóra áratugi verið leiðsögumaður veiðimanna í flestum ám landsins. Gunnar Bender skellti sér með honum í Elliðaárnar í Reykjavík í Júní síðastliðnum, en þar var hann með skemmtilegan viðburð. Stangaveiðifélag Reykjavíkur stóð fyrir viðburðinum en þar er Ásgeir Heiðar með sýnikennslu á flugu, ásamt því að kynna veiðistaði í ánni.

Ásgeir Heiðar þekkir Elliðaárnar betur en flestir aðrir

Þeir sem fara í gegnum veiðileiðsögn með Ásgeiri Heiðari í Elliðaánum læra mjög vel á ánna og hvernig fjölbreyttir veiðistaðir hafa ólíka nálgun. Þetta er þáttur sem þú mátt alls ekki missa af.

Stangveiði