Svona horfir þú á úrslitaleikinn í Lengjudeildinni

Eiríkur Stefán Ásgeirsson skrifar 30. september 2023 08:01

Stuðningsmenn Vestra munu fjölmenna á Laugardalsvöllinn í dag, sem og Mosfellingar vitaskuld.

Í dag ræðst hvort Vestri frá Ísafirði eða Afturelding úr Mosfellsbæ komist upp í Bestu deild karla. Liðin mætast í hreinum úrslitaleik á Laugardalsvelli klukkan 16.00 og verður leikurinn sýndur í opinni dagskrá á Stöð 2 Sport.

Um er að ræða einn stærsta leik ársins í íslenskri knattspyrnu en gera má ráð fyrir að sjaldan hafi verið meiri fjármunir í húfi í stökum leik á Íslandsmótinu.

Leikurinn verður sýndur í beinni útsendingu á Stöð 2 Sport en þökk sé samstarfssamningi Sýnar hf., Lengjunnar og ÍTF verður útsendingin í opinni dagskrá.

Útsendingin verður á Stöð 2 Sport sem er öllu jöfnu aðgengileg fyrir alla þá sem hafa áskrift að Sport Ísland eða Sportpakkanum.

Stöð 2 appið

Fyrir þá sem eru ekki með áskrift en vilja horfa á leikinn er hægt að notast við app Stöðvar 2 sem er aðgengilegt fyrir Android og iOS síma, sem og Apple TV, Android TV og Amazon Fire TV.

Allir geta notað Stöð 2 appið, óháð því hvar þeir eru með sín fjarskipti. Það eina sem þarf til að búa til aðgang er nafn, símanúmer og kennitala. Hér má sjá leiðbeiningar.

Hægt er að horfa á útsendinguna í Stöð 2 appinu með því að velja rásina „Stöð 2 Sport kynning“ sem má finna ásamt öðrum sjónvarpsstöðum með því að velja „Sjónvarp“ í valmyndinni.

Vakin er sérstök athygli á því að þeir sem eru ekki áskrifendur geta ekki horft á útsendinguna með því að velja leikinn í valmyndinni „Framundan í beinni“ þar sem sú valmynd vísar á sjónvarpsrásina Stöð 2 Sport en ekki „Stöð 2 Sport kynning“

Myndlykill Vodafone

Fyrir þá sem hafa ekki áskrift að Sport Ísland eða Sportpakkanum verður hægt að horfa á leikinn á sjónvarpsrásinni „Stöð 2 Sport kynning“ sem er á rás 15.