Enski boltinn

De Bruyne sást á æfingu eftir inn­brot á heimili hans um helgina

Ágúst Orri Arnarson skrifar
De Bruyne hefur verið frá keppni síðan í fyrsta leik tímabilsins gegn Burnley en var hluti af 23 manna hópnum sem Pep Guardiola valdi fyrir HM félagsliða í Sádí-Arabíu.
De Bruyne hefur verið frá keppni síðan í fyrsta leik tímabilsins gegn Burnley en var hluti af 23 manna hópnum sem Pep Guardiola valdi fyrir HM félagsliða í Sádí-Arabíu. Robbie Jay Barratt - AMA/Getty Images

Brotist var inn á heimili Kevin De Bruyne í heimalandi hans Belgíu síðastliðinn laugardag. Kevin og kona hans Michele, ásamt þremur börnum þeirra, voru stödd í Sádí-Arabíu þegar innbrotið átti sér stað. 

Belgíski miðillinn HLN greindi frá því að einhverjum verðmætum hafi verið stolið en engar nánari upplýsingar lægu fyrir á þessu stigi. Michele Lacroix, eiginkona De Bruyne, uppgötvaði innbrotið fyrst og hafði samband við lögreglu. 

Enginn var á staðnum þegar þjófarnir létu til skarar skríða, fjölskyldan flaug öll til Sádí-Arabíu síðastliðinn laugardag, þar sem Manchester City leikur á HM félagsliða. 

Kevin De Bruyne hefur verið frá keppni síðan í 1. umferð ensku úrvals-deildarinnar en var hluti af 23 manna hópnum sem Pep Guardiola valdi í verkefnið sem bíður þeirra á HM félagsliða. Það sást svo til hans á æfingu liðsins fyrr í dag.

Manchester City mætir japanska liðinu Urawa Red Diamonds annað kvöld í undanúrslitaleik keppninnar. Sigurvegari þess leiks mætir svo brasilíska liðinu Fluminese í úrslitaleiknum næstkomandi föstudag. 

Enski boltinn Belgía

Mest lesið


Fleiri fréttir

Sjá meira


×

Mest lesið