Enski boltinn

Lloris gæti verið á leið til silfurliðsins í Banda­ríkjunum

Ingvi Þór Sæmundsson skrifar
Hugo Lloris er áttundi leikjahæsti leikmaður í sögu Tottenham.
Hugo Lloris er áttundi leikjahæsti leikmaður í sögu Tottenham. getty/Clive Brunskill

Hugo Lloris, markvörður Tottenham, á í viðræðum við bandaríska liðið Los Angeles FC. Hann hefur verið hjá Spurs í rúman áratug.

Lloris missti sætið sitt í byrjunarliði Spurs undir lok síðasta tímabils og hefur ekkert spilað með liðinu í vetur.

Frakkinn kom til Spurs frá Lyon 2012 og hefur leikið 447 leiki fyrir félagið. Hann var gerður að fyrirliða Tottenham 2015 en Son Heung-min tók við þeirri stöðu í haust.

Samningur Lloris við Spurs rennur út í sumar. Hann gæti samt yfirgefið félagið áður og á núna í viðræðum við LAFC sem komst í úrslit um bandaríska meistaratitilinn fyrr í þessum mánuði.

Hinn 37 ára Lloris varð heimsmeistari með franska landsliðinu 2018. Hann er leikjahæstur í sögu þess með 145 leiki.

Enski boltinn Bandaríski fótboltinn

Mest lesið


Fleiri fréttir

Sjá meira


×

Mest lesið