Serbar unnu stór­sigur í undir­búningi fyrir EM

Leikurinn er liður í undirbúningi liðanna fyrir EM sem hefst í næstu viku þar sem Serbar munu leika í C-riðli með strákunum okkar í íslenska landsliðinu.

Serbneska liðið hafði yfirhöndina stærstan hluta leiksins og leiddi með tveimur mörkum þegar flautað var til hálfleiks, staðan 16-14. 

Liðið vann svo síðari hálfleikinn með fimm marka mun og vann því að lokum öruggan sjö marka sigur, 31-24.

Serbar leika annan vináttulandsleik í undirbúningi sínum fyrir EM á morgun þegar liðið mætir Spánverjum. Fyrsti leikur liðsins á EM er svo einmitt gegn íslensku strákunum þann 12. janúar næstkomandi.