Einkunnir Strákanna okkar á móti Svartfjallalandi: Ómar Ingi og Björgvin til bjargar en hornaþrot Íþróttadeild Vísis skrifar 14. janúar 2024 19:28 Björgvin Páll Gústavsson var hetja íslenska liðsins gegn því svartfellska í dag. vísir/vilhelm Annan leikinn í röð slapp íslenska karlalandsliðið í handbolta með skrekkinn þegar það vann Svartfjallaland, 30-31, í C-riðli Evrópumótsins í dag. Björgvin Páll Gústavsson var hetja íslenska liðsins en hann varði tvö skot frá Vuko Borozan í lokasókn Svartfjallalands. Björgvin átti stórgóða innkomu og reyndasti leikmaður íslenska liðsins kom því til bjargar á ögurstundu í dag. Ómar Ingi Magnússon svaraði fyrir slaka frammistöðu gegn Serbíu og átti mjög góðan leik. Gísli Þorgeir Kristjánsson steig svo heldur betur upp undir lokin og skoraði síðustu tvö mörk Íslands. Hornamennirnir íslensku vilja eflaust gleyma leiknum sem fyrst en þeir fóru illa með fjölmörg dauðafæri. Þeir Bjarki Már Elísson, Stiven Tobar Valencia, Sigvaldi Guðjónsson og Óðinn Þór Ríkharðsson klikkuðu samtals á tíu skotum í leiknum. Líkt og áður þá gefur íþróttadeild Vísis og Stöðvar tvö leikmönnum og þjálfaranum einkunnir fyrir frammistöðu sína. Leikmenn og þjálfarar fá einkunn á bilinu 1-6 með umsögn, en neðst í fréttinni má sjá hvað hver einkunn þýðir. Einkunnir Íslands gegn Svartfjallalandi: - Byrjunarlið Íslands í leiknum - Viktor Gísli Hallgrímsson, markvörður - 3 (7 varin skot - 27:54 mín.) Byrjaði leikinn virkilega vel eins og gegn Serbíu en datt niður eftir því sem leið á fyrri hálfleikinn. Varði sjö skot og skilaði ágætis frammistöðu. Sat á bekknum í seinni hálfleik. Bjarki Már Elísson, vinstri hornamaður - 2 (3 mörk - 48:14 mín.) Ekki besti dagur Bjarka. Virkaði kærulaus, bæði í vörn og sókn, og klikkaði á þremur dauðafærum. Getur miklu betur en hann sýndi í dag. Aron Pálmarsson, vinstri skytta - 3 (3 mörk - 45:02 mín.) Frábær í vörninni, sérstaklega í fyrri hálfleik, og vann boltann nokkrum sinnum. Skoraði þrjú mörk úr sex skotum og hefði ef til vill mátt skjóta meira fyrir utan til að teyma Svartfellingana framar í vörninni. Gísli Þorgeir Kristjánsson, leikstjórnandi - 3 (3 mörk - 19:48 mín.) Gekk illa að spóla sig framhjá varnarmönnum Svartfjallalands og boltinn hefði á köflum mátt ganga hraðar í gegnum Gísla. En sá steig upp þegar mest á reyndi. Var ískaldur á lokakaflanum og skoraði tvö síðustu mörk Íslands í leiknum. Á samt mikið inni. Ómar Ingi Magnússon, hægri skytta - 5 (7/3 mörk - 49:05 mín.) Velkominn til leiks Ómar Ingi! Eftir afleitan dag gegn Serbum var Íþróttamaður ársins 2021 og 2022 bestur Íslendinga í leiknum í dag. Skoraði sjö mörk og það sjöunda og síðasta, sem hann skoraði úr algjörlega ómögulegu færi, verður lengi í minnum haft. Ágætur í vörninni en stundum full lengi að losa sig við boltann í sókninni. Gaf átta stoðsendingar og þær hefðu orðið miklu fleiri ef samherjar hans hefðu nýtt færin sín sómasamlega. Óðinn Þór Ríkharðsson, hægri hornamaður - 1 (1 mark - 11:13 mín.) Byrjaði inn á en fann sig engan veginn. Fékk fjögur dauðafæri snemma leiks en klikkaði á þremur þeirra. Hefði getað létt Íslendingum lífið mikið með því að skora úr skotunum sínum. Hauskúpuframmistaða hjá þessum frábæra leikmanni. Elliði Snær Viðarsson, línumaður - 4 (6 mörk - 47:04 mín.) Eftir stutta viðveru í síðasta leik svaraði Elliði fyrir sig með flottri frammistöðu í dag. Klikkaði á þremur færum en skoraði samt sex mörk og var næstmarkahæstur á eftir Ómari. Getur spilað betur í vörninni og klikkaði nokkrum sinnum illa undir lokin. En Eyjamaðurinn stimplaði sig vel inn í mótið í dag. Elvar Örn Jónsson, vinstri skytta - 3 (2 mörk - 42:59 mín.) Spilaði aðallega í vörn en skilaði tveimur góðum mörkum. Hefur spilað betur í vörninni en var frábær þegar á reyndi í lokasókn Svartfellinga. - Menn sem komu inn af bekknum í leiknum - Björgvin Páll Gústavsson, markvörður - 4 (9 varin skot - 27:39 mín.) Bjargaði andliti Íslendinga í dag. Björgvin kom inn á í hálfleik og byrjaði af miklum krafti, datt aðeins niður en sýndi svo mikla einbeitingu og færni þegar hann varði tvö skot frá Vuko Borozan í lokasókninni. Forsetaframmistaða hjá okkar elsta og reyndasta manni! Sigvaldi Guðjónsson, hægri hornamaður - 2 (3 mörk - 47:52 mín.) Skoraði góð mörk með frábærum afgreiðslum en klikkaði á þremur færum. Getur gert og á að gera miklu betur. Janus Daði Smárason, leikstjórnandi - 2 (1 mark - 12:57 mín.) Duglegur að opna fyrir samherja sína og átti ótrúlega stoðsendingu á Elvar í fyrri hálfleik. Kom lítið við sögu í þeim seinni og náði ekki að setja mark sitt almennilega á leikinn. Viggó Kristjánsson, hægri skytta - 2 (1 mark - 10:51 mín.) Eftir frábæra innkomu gegn Serbum fann Viggó ekki taktinn í dag. Virkaði hálf ragur. Stiven Tobar Valencia, vinstri hornamaður - 3 (1 mark - 12:37 mín.) Spilaði seinni hluta fyrri hálfleiks og skoraði þá sitt fyrsta stórmótsmark. Klikkaði á öðru skotinu sínu. En Stiven getur nýst íslenska liðinu vel og mun eflaust gera það á mótinu. Ýmir Örn Gíslason, línumaður - 3 (3 stopp - 10:21 mín.) Spilaði litla sókn en greip ekki eina línusendingu. Upp og niður í vörninni en var vel á verði í lokasókn Svartfjallalands og varðist henni frábærlega. Arnar Freyr Arnarsson, línumaður - 3 (6:24 mín) Fékk tækifæri í sókninni í fyrri hálfleik. Skoraði ekki en setti nokkrar tröllahindrarnir sem opnuðu fyrir samherja hans. Einar Þorsteinn Ólafsson, varnarmaður - spilaði ekki Snorri Steinn Guðjónsson þjálfari - 3 Er enn ósigraður sem þjálfari íslenska landsliðsins sem er með örlögin í sínum höndum fyrir lokaumferðina í riðlakeppninni. En frammistaða Íslendinga á mótinu til þessa hlýtur að valda Snorra heilabrotum. Getur ekki borið sök á afleitri færanýtingu í leiknum í dag en ber sína ábyrgð á því hversu höktandi sóknarleikurinn er og hnoðið mikið. Boltinn gengur ekki nógu hratt og það vantaði skot fyrir utan. Hraðaupphlaupin gengu ekki jafn vel og gegn Serbum og vörnin var ekki nógu góð. Snorri hreyfði íslenska liðið hins vegar talsvert og nýtti hópinn vel. EM 2024 í handbolta Landslið karla í handbolta Mest lesið Slæm byrjun Vals hélt áfram í Garðabænum Handbolti „Ein besta markvarsla sem ég hef séð“ Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Rautt spjald snemma leiks dýrt spaug fyrir Börsunga Fótbolti Segir Leipzig hinn fullkomna áfangastað fyrir unga og efnilega leikmenn Fótbolti Gísli Þorgeir bar af í Íslendingaslag kvöldsins Handbolti Raya hetjan er Skytturnar lögðu rútunni í Bergamo Fótbolti Fleiri fréttir Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Fyrsti sigurinn hjá bæði Stjörnukonum og Framkörlum Segir að Haukur Þrastar geti gert mikið fyrir íslenska landsliðið á HM í janúar Stjarnan sótti ekki gull í greipar Eyjamanna „Þurfum að vera fljótir að læra“ Valur ekki í vandræðum í Vestmannaeyjum Íslenskt markaflóð í Svíþjóð Uppgjörið: Valur - Afturelding 31-34 | Frábær sigur gestanna „Í versta falli fer allt til fjandans, svo kemur nýr dagur“ „Alltaf gaman að spila í KA heimilinu” Sjá meira
Björgvin Páll Gústavsson var hetja íslenska liðsins en hann varði tvö skot frá Vuko Borozan í lokasókn Svartfjallalands. Björgvin átti stórgóða innkomu og reyndasti leikmaður íslenska liðsins kom því til bjargar á ögurstundu í dag. Ómar Ingi Magnússon svaraði fyrir slaka frammistöðu gegn Serbíu og átti mjög góðan leik. Gísli Þorgeir Kristjánsson steig svo heldur betur upp undir lokin og skoraði síðustu tvö mörk Íslands. Hornamennirnir íslensku vilja eflaust gleyma leiknum sem fyrst en þeir fóru illa með fjölmörg dauðafæri. Þeir Bjarki Már Elísson, Stiven Tobar Valencia, Sigvaldi Guðjónsson og Óðinn Þór Ríkharðsson klikkuðu samtals á tíu skotum í leiknum. Líkt og áður þá gefur íþróttadeild Vísis og Stöðvar tvö leikmönnum og þjálfaranum einkunnir fyrir frammistöðu sína. Leikmenn og þjálfarar fá einkunn á bilinu 1-6 með umsögn, en neðst í fréttinni má sjá hvað hver einkunn þýðir. Einkunnir Íslands gegn Svartfjallalandi: - Byrjunarlið Íslands í leiknum - Viktor Gísli Hallgrímsson, markvörður - 3 (7 varin skot - 27:54 mín.) Byrjaði leikinn virkilega vel eins og gegn Serbíu en datt niður eftir því sem leið á fyrri hálfleikinn. Varði sjö skot og skilaði ágætis frammistöðu. Sat á bekknum í seinni hálfleik. Bjarki Már Elísson, vinstri hornamaður - 2 (3 mörk - 48:14 mín.) Ekki besti dagur Bjarka. Virkaði kærulaus, bæði í vörn og sókn, og klikkaði á þremur dauðafærum. Getur miklu betur en hann sýndi í dag. Aron Pálmarsson, vinstri skytta - 3 (3 mörk - 45:02 mín.) Frábær í vörninni, sérstaklega í fyrri hálfleik, og vann boltann nokkrum sinnum. Skoraði þrjú mörk úr sex skotum og hefði ef til vill mátt skjóta meira fyrir utan til að teyma Svartfellingana framar í vörninni. Gísli Þorgeir Kristjánsson, leikstjórnandi - 3 (3 mörk - 19:48 mín.) Gekk illa að spóla sig framhjá varnarmönnum Svartfjallalands og boltinn hefði á köflum mátt ganga hraðar í gegnum Gísla. En sá steig upp þegar mest á reyndi. Var ískaldur á lokakaflanum og skoraði tvö síðustu mörk Íslands í leiknum. Á samt mikið inni. Ómar Ingi Magnússon, hægri skytta - 5 (7/3 mörk - 49:05 mín.) Velkominn til leiks Ómar Ingi! Eftir afleitan dag gegn Serbum var Íþróttamaður ársins 2021 og 2022 bestur Íslendinga í leiknum í dag. Skoraði sjö mörk og það sjöunda og síðasta, sem hann skoraði úr algjörlega ómögulegu færi, verður lengi í minnum haft. Ágætur í vörninni en stundum full lengi að losa sig við boltann í sókninni. Gaf átta stoðsendingar og þær hefðu orðið miklu fleiri ef samherjar hans hefðu nýtt færin sín sómasamlega. Óðinn Þór Ríkharðsson, hægri hornamaður - 1 (1 mark - 11:13 mín.) Byrjaði inn á en fann sig engan veginn. Fékk fjögur dauðafæri snemma leiks en klikkaði á þremur þeirra. Hefði getað létt Íslendingum lífið mikið með því að skora úr skotunum sínum. Hauskúpuframmistaða hjá þessum frábæra leikmanni. Elliði Snær Viðarsson, línumaður - 4 (6 mörk - 47:04 mín.) Eftir stutta viðveru í síðasta leik svaraði Elliði fyrir sig með flottri frammistöðu í dag. Klikkaði á þremur færum en skoraði samt sex mörk og var næstmarkahæstur á eftir Ómari. Getur spilað betur í vörninni og klikkaði nokkrum sinnum illa undir lokin. En Eyjamaðurinn stimplaði sig vel inn í mótið í dag. Elvar Örn Jónsson, vinstri skytta - 3 (2 mörk - 42:59 mín.) Spilaði aðallega í vörn en skilaði tveimur góðum mörkum. Hefur spilað betur í vörninni en var frábær þegar á reyndi í lokasókn Svartfellinga. - Menn sem komu inn af bekknum í leiknum - Björgvin Páll Gústavsson, markvörður - 4 (9 varin skot - 27:39 mín.) Bjargaði andliti Íslendinga í dag. Björgvin kom inn á í hálfleik og byrjaði af miklum krafti, datt aðeins niður en sýndi svo mikla einbeitingu og færni þegar hann varði tvö skot frá Vuko Borozan í lokasókninni. Forsetaframmistaða hjá okkar elsta og reyndasta manni! Sigvaldi Guðjónsson, hægri hornamaður - 2 (3 mörk - 47:52 mín.) Skoraði góð mörk með frábærum afgreiðslum en klikkaði á þremur færum. Getur gert og á að gera miklu betur. Janus Daði Smárason, leikstjórnandi - 2 (1 mark - 12:57 mín.) Duglegur að opna fyrir samherja sína og átti ótrúlega stoðsendingu á Elvar í fyrri hálfleik. Kom lítið við sögu í þeim seinni og náði ekki að setja mark sitt almennilega á leikinn. Viggó Kristjánsson, hægri skytta - 2 (1 mark - 10:51 mín.) Eftir frábæra innkomu gegn Serbum fann Viggó ekki taktinn í dag. Virkaði hálf ragur. Stiven Tobar Valencia, vinstri hornamaður - 3 (1 mark - 12:37 mín.) Spilaði seinni hluta fyrri hálfleiks og skoraði þá sitt fyrsta stórmótsmark. Klikkaði á öðru skotinu sínu. En Stiven getur nýst íslenska liðinu vel og mun eflaust gera það á mótinu. Ýmir Örn Gíslason, línumaður - 3 (3 stopp - 10:21 mín.) Spilaði litla sókn en greip ekki eina línusendingu. Upp og niður í vörninni en var vel á verði í lokasókn Svartfjallalands og varðist henni frábærlega. Arnar Freyr Arnarsson, línumaður - 3 (6:24 mín) Fékk tækifæri í sókninni í fyrri hálfleik. Skoraði ekki en setti nokkrar tröllahindrarnir sem opnuðu fyrir samherja hans. Einar Þorsteinn Ólafsson, varnarmaður - spilaði ekki Snorri Steinn Guðjónsson þjálfari - 3 Er enn ósigraður sem þjálfari íslenska landsliðsins sem er með örlögin í sínum höndum fyrir lokaumferðina í riðlakeppninni. En frammistaða Íslendinga á mótinu til þessa hlýtur að valda Snorra heilabrotum. Getur ekki borið sök á afleitri færanýtingu í leiknum í dag en ber sína ábyrgð á því hversu höktandi sóknarleikurinn er og hnoðið mikið. Boltinn gengur ekki nógu hratt og það vantaði skot fyrir utan. Hraðaupphlaupin gengu ekki jafn vel og gegn Serbum og vörnin var ekki nógu góð. Snorri hreyfði íslenska liðið hins vegar talsvert og nýtti hópinn vel.
EM 2024 í handbolta Landslið karla í handbolta Mest lesið Slæm byrjun Vals hélt áfram í Garðabænum Handbolti „Ein besta markvarsla sem ég hef séð“ Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Rautt spjald snemma leiks dýrt spaug fyrir Börsunga Fótbolti Segir Leipzig hinn fullkomna áfangastað fyrir unga og efnilega leikmenn Fótbolti Gísli Þorgeir bar af í Íslendingaslag kvöldsins Handbolti Raya hetjan er Skytturnar lögðu rútunni í Bergamo Fótbolti Fleiri fréttir Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Fyrsti sigurinn hjá bæði Stjörnukonum og Framkörlum Segir að Haukur Þrastar geti gert mikið fyrir íslenska landsliðið á HM í janúar Stjarnan sótti ekki gull í greipar Eyjamanna „Þurfum að vera fljótir að læra“ Valur ekki í vandræðum í Vestmannaeyjum Íslenskt markaflóð í Svíþjóð Uppgjörið: Valur - Afturelding 31-34 | Frábær sigur gestanna „Í versta falli fer allt til fjandans, svo kemur nýr dagur“ „Alltaf gaman að spila í KA heimilinu” Sjá meira