Í tilkynningu frá forsvarsfólki hátíðarinnar kemur fram að hann hafi verið fjarlægður af öryggisgæslu eftir að hann hafði farið með sigurvegurum á svið, en kvikmyndin Oppenheimer hlaut þau verðlaun.
„Við tökum þessu mjög alvarlega og við viljum ekki gefa honum meiri athygli með því að segja meira um málið,“ segir í yfirlýsingu hátíðarinnar.
Looks like @LizwaniYT broke onto stage during #Oppenheimer winning at @BAFTA #Oppenheimer #BAFTA pic.twitter.com/fWvpWGN1oC
— HeWhoGeeks (@he_who_geeks) February 19, 2024
Í upptöku af atvikinu sem má sjá hér að ofan má sjá manninn ganga á sviðið með framleiðanda Oppenheimer, Emmu Thomas, aðalleikara myndarinnar, Cillian Murphy og leikstjóra hennar Christopher Nolan. Á meðan Thomas þakkaði fyrir verðlaunin stóð hann með þeim og yfirgaf sömuleiðis sviðið með þeim. Baksviðs var hann svo tekinn af öryggisgæslu og vísað út.
Ekki í fyrsta sinn
Í frétt Guardian segir að um sé að ræða YouTube-stjörnuna Lizwani en hann hefur áður verið boðflenna á öðrum hátíðum þar með talið Brit-verðlaununum og fótboltaverðlaununum Fifa Ballon d’Or. Nánar er fjallað um málið á vef Guardian.