„Þetta er komið að þolmörkum“ Magnús Jochum Pálsson og Margrét Björk Jónsdóttir skrifa 1. mars 2024 20:32 Þorvaldur Þórðarson, eldfjallafræðingur, segir ólíklegt að það gjósi í dag en telur líklegt að það gjósi á næstu tveimur til þremur dögum. Vísir/Steingrímur Dúi Líklega mun gjósa á næstu þremur dögum að sögn eldfjallafræðingsins Þorvaldar Þórðarsonar. Hann spáir kraftmiklu eldgosi sem detti hratt niður og endist stutt. Á Veðurstofunni fylgjast sérfræðingar grannt með mælum og vefmyndavélum til að geta brugðist sem hraðast við. Þorvaldur Þórðarson spáði því 12. febrúar, fyrir tæpum þremur vikum, að það myndi gjósa á Reykjanesskaga í dag, 1. mars. Hann var í viðtali hjá Margréti Björk fréttamanni í kvöldfréttum Stöðvar 2 í kvöld þar sem hann dró úr fyrri spá sinni og spáði í staðinn gosi eftir helgi. Hér fyrir neðan má sjá kvöldfrétt um yfirvofandi eldgos og viðtalið við Þorvald. Hvernig metur þú stöðuna núna? „Ég er ansi hræddur um að spáin muni ekki rætast í þetta skiptið. Ég held við munum fá gosið eitthvað seinna, kannski á næstu tveimur-þremur dögum,“ sagði Þorvaldur. Eftir helgi þá? „Við þurfum kannski að láta gosin taka tillit til vinnulöggjafarinnar, það eru 36 tíma vinnuvika þannig eigum við ekki bara að hafa þetta á mánudaginn? En auðvitað gæti gosið á morgun eða sunnudag en þetta er komið mjög nálægt. Landrisið virðist aðeins farið að hægja á sér, skjálftavirknin er svipuð og hún hefur verið, kannski smá aukning á henni,“ sagði hann. Tímaspursmál hvenær gýs Þorvaldur reiknar með sambærilegu gosi og síðustu gosum á endanum. Hann býst við kraftmiklu gosi sem endist stutt. Þannig það eru einhver teikn á lofti? „Þetta er komið að þolmörkum myndi ég segja. Þetta er bara tímaspursmál hvenær kemur gos. Ég reikna með því að það gos verði svipað því sem hefur verið. Rúmmálið sem er að safnast fyrir í þessu grunna kvikuhólfi undir Svartsengi er að nálgast tíu milljón rúmmetrana er svipað því sem verið hefur þegar hin gosin byrjuðu,“ sagði hann. „Þegar gosið fer af stað reikna ég nú með því að þetta hólf tæmist tiltölulega hratt. Það verði frekar aflmikið gos í byrjun með háum kvikustrókum en síðan dettur það niður hratt og endar sennilega innan þriggja daga,“ bætti hann við. Eru einhverjar líkur á að landrisið gangi til baka og þetta fjari út án þess að það komi til eldgoss eða kvikuhlaups? „Það eru alltaf einhverjar pínulitlar líkur á slíkri sviðsmynd en hún er mjög ólíkleg myndi ég telja. Það eru mikli meiri líkur á að við fáum gos en við getum ekkert útilokað það að þetta segi bara stopp núna, við erum bara hætt,“ sagði hann. Myndi ekki gista í Grindavík eða fara í Bláa lónið Þorvaldur myndi sjálfur sleppa því að fara í Bláa lónið eða gista í Grindavík í ljósi þess hve stutt sé í eldgos. Það sé alltaf hægt að fara aftur til baka að gosi loknu. Hver er þín skoðun á því að það sé fólk að gista í Grindavík og gestir í Bláa lóninu? „Ég held að það væri mjög sniðugt hjá okkur að nota þetta litavarnarkerfi sem við erum með. Núna erum við að nálgast gos og þá er kannski óskynsamlegt að sofa í Grindavík og vera í Bláa lóninu. Öryggisins vegna að sleppa því núna,“ sagði Þorvaldur. Myndirðu ekki gera það sjálfur? „Ég myndi sleppa því öryggisins vegna bara til þess að vera viss. Það er auðvelt svo að fara aftur til baka þegar gosið er búið og taka upp fyrri iðju,“ sagði hann að lokum. Fylgjast grannt með allan sólarhringinn Á Veðurstofu Íslands liggja sérfræðingar yfir mælum og vefmyndavélum allan sólarhringinn. „Við erum búin að bíða í allan dag eftir að eitthvað gerist. Þetta gæti gerst með skömmum fyrirvara og við erum svolítið mikið á tánum,“ sagði Sigríður Kristjánsdóttir, náttúruvársérfræðingur á Veðurstofu Íslands. Þegar eitthvað fer í gang er viðbragðsáætlun virkjuð um leið. Fyrst er hringt í almannavarnir og síðan fer af stað viðamikil atburðarás. „Að finna út hvar gosið sem er yfirleitt stórt verkefni, að finna nákvæmlega hvar gossprungan er. Það getur skipt máli upp á hvar hraunrennslið verður. Svona fyrstu klukkutímana er mesta atið, svo settlar þetta aðeins og við fylgjumst með hvernig virknin breytist og hegðar sér,“ segir Sigríður. Hún segir starfið spennandi en þessa dagana sé tilfinningin öðruvísi en oft áður þegar svona mikið er undir. Það sé fólk nálægt jarðhræringavæðinu í bæði Grindavík og Bláa lóninu sem hafi þar áhrif Eldgos og jarðhræringar Eldgos á Reykjanesskaga Mest lesið Hætta með ökuskírteini í símaveski vegna Evrópureglna Innlent Ísraelsmenn undirbúi árás á skútuna með Gretu Thunberg um borð Erlent Grafalvarlegt ástand í LA: „Þetta eru einhverjar fasískar leikaðferðir“ Erlent Trump sendir þjóðvarðlið til Los Angeles Erlent Björgunarsveit selur derhúfur í stíl Bandaríkjaforseta Innlent Hótar Musk alvarlegum afleiðingum styðji hann Demókrata Erlent Ríkisstjóri Utah heimsækir Eyjar: Mormónarnir vissu allt um sprönguna Innlent Alþjóðlegir sérfræðingar ræða baráttuna gegn myglu í Hörpu Innlent „Ertu kannski Íslendingur?“ Lífið Rannsökuðu eigin samsæriskenningar um fljúgandi furðuhluti Erlent Fleiri fréttir Vond stjórnsýsla að teikna bara einhverja reiti á kort Fresta uppbyggingu verkmenntaskóla: „Þessi óvissa er fyrir neðan allar hellur“ Menningarveisla í allt sumar á Sólheimum Björgunarsveit selur derhúfur í stíl Bandaríkjaforseta Alvarlegt ástand í Los Angeles og opnun nýs Konukots Eftirlýstur maður handtekinn grunaður um vændiskaup Ríkisstjóri Utah heimsækir Eyjar: Mormónarnir vissu allt um sprönguna Heilbrigðisstofnun Suðurnesja skilaði 800 milljónum til ríkissjóðs Alþjóðlegir sérfræðingar ræða baráttuna gegn myglu í Hörpu Hermenn í Los Angeles, mylguráðstefna og síðasti leikur Arons Pálmarssonar Hætta með ökuskírteini í símaveski vegna Evrópureglna Evrópusambandið, rétttrúnaður og endurskoðun veiðiráðgjafarinnar Þrír reyndu að komast undan lögreglu Jöklar hér á landi minnkað um eina Lúxemborg Sækja WorldPride í skugga bakslags í réttindum hinsegin fólks 70 milljóna króna halli vegna uppsagnar samningsins Beðasléttur í borginni: Óttast óafturkræfan skaða á Laugarnesi Fleiri börn deyja á Gasa og óttast um fornminjar í Laugarnesi Ók á gangandi vegfarenda og keyrði burt Umræðu um bókun 35 aftur frestað Ummæli Kolbrúnar blaut tuska í andlit ungmenna Norðurlandamót í Bridge á Laugarvatni alla helgina Yfirfara þurfi öryggismál við Brúará Enn eitt banaslysið í Brúará, landvinningar lúsmýs og þungarokkshátíð Vísbendingar um að síðasta vígið sé fallið „Ef þetta gengur vel mun hún eignast allan bátinn“ Konan sem féll í Brúará er látin Fimm frumvörp fjögurra ráðuneyta samþykkt Klara Baldursdóttir er látin Þyrla Landhelgisgæslunnar kölluð út vegna göngumanns Sjá meira
Þorvaldur Þórðarson spáði því 12. febrúar, fyrir tæpum þremur vikum, að það myndi gjósa á Reykjanesskaga í dag, 1. mars. Hann var í viðtali hjá Margréti Björk fréttamanni í kvöldfréttum Stöðvar 2 í kvöld þar sem hann dró úr fyrri spá sinni og spáði í staðinn gosi eftir helgi. Hér fyrir neðan má sjá kvöldfrétt um yfirvofandi eldgos og viðtalið við Þorvald. Hvernig metur þú stöðuna núna? „Ég er ansi hræddur um að spáin muni ekki rætast í þetta skiptið. Ég held við munum fá gosið eitthvað seinna, kannski á næstu tveimur-þremur dögum,“ sagði Þorvaldur. Eftir helgi þá? „Við þurfum kannski að láta gosin taka tillit til vinnulöggjafarinnar, það eru 36 tíma vinnuvika þannig eigum við ekki bara að hafa þetta á mánudaginn? En auðvitað gæti gosið á morgun eða sunnudag en þetta er komið mjög nálægt. Landrisið virðist aðeins farið að hægja á sér, skjálftavirknin er svipuð og hún hefur verið, kannski smá aukning á henni,“ sagði hann. Tímaspursmál hvenær gýs Þorvaldur reiknar með sambærilegu gosi og síðustu gosum á endanum. Hann býst við kraftmiklu gosi sem endist stutt. Þannig það eru einhver teikn á lofti? „Þetta er komið að þolmörkum myndi ég segja. Þetta er bara tímaspursmál hvenær kemur gos. Ég reikna með því að það gos verði svipað því sem hefur verið. Rúmmálið sem er að safnast fyrir í þessu grunna kvikuhólfi undir Svartsengi er að nálgast tíu milljón rúmmetrana er svipað því sem verið hefur þegar hin gosin byrjuðu,“ sagði hann. „Þegar gosið fer af stað reikna ég nú með því að þetta hólf tæmist tiltölulega hratt. Það verði frekar aflmikið gos í byrjun með háum kvikustrókum en síðan dettur það niður hratt og endar sennilega innan þriggja daga,“ bætti hann við. Eru einhverjar líkur á að landrisið gangi til baka og þetta fjari út án þess að það komi til eldgoss eða kvikuhlaups? „Það eru alltaf einhverjar pínulitlar líkur á slíkri sviðsmynd en hún er mjög ólíkleg myndi ég telja. Það eru mikli meiri líkur á að við fáum gos en við getum ekkert útilokað það að þetta segi bara stopp núna, við erum bara hætt,“ sagði hann. Myndi ekki gista í Grindavík eða fara í Bláa lónið Þorvaldur myndi sjálfur sleppa því að fara í Bláa lónið eða gista í Grindavík í ljósi þess hve stutt sé í eldgos. Það sé alltaf hægt að fara aftur til baka að gosi loknu. Hver er þín skoðun á því að það sé fólk að gista í Grindavík og gestir í Bláa lóninu? „Ég held að það væri mjög sniðugt hjá okkur að nota þetta litavarnarkerfi sem við erum með. Núna erum við að nálgast gos og þá er kannski óskynsamlegt að sofa í Grindavík og vera í Bláa lóninu. Öryggisins vegna að sleppa því núna,“ sagði Þorvaldur. Myndirðu ekki gera það sjálfur? „Ég myndi sleppa því öryggisins vegna bara til þess að vera viss. Það er auðvelt svo að fara aftur til baka þegar gosið er búið og taka upp fyrri iðju,“ sagði hann að lokum. Fylgjast grannt með allan sólarhringinn Á Veðurstofu Íslands liggja sérfræðingar yfir mælum og vefmyndavélum allan sólarhringinn. „Við erum búin að bíða í allan dag eftir að eitthvað gerist. Þetta gæti gerst með skömmum fyrirvara og við erum svolítið mikið á tánum,“ sagði Sigríður Kristjánsdóttir, náttúruvársérfræðingur á Veðurstofu Íslands. Þegar eitthvað fer í gang er viðbragðsáætlun virkjuð um leið. Fyrst er hringt í almannavarnir og síðan fer af stað viðamikil atburðarás. „Að finna út hvar gosið sem er yfirleitt stórt verkefni, að finna nákvæmlega hvar gossprungan er. Það getur skipt máli upp á hvar hraunrennslið verður. Svona fyrstu klukkutímana er mesta atið, svo settlar þetta aðeins og við fylgjumst með hvernig virknin breytist og hegðar sér,“ segir Sigríður. Hún segir starfið spennandi en þessa dagana sé tilfinningin öðruvísi en oft áður þegar svona mikið er undir. Það sé fólk nálægt jarðhræringavæðinu í bæði Grindavík og Bláa lóninu sem hafi þar áhrif
Eldgos og jarðhræringar Eldgos á Reykjanesskaga Mest lesið Hætta með ökuskírteini í símaveski vegna Evrópureglna Innlent Ísraelsmenn undirbúi árás á skútuna með Gretu Thunberg um borð Erlent Grafalvarlegt ástand í LA: „Þetta eru einhverjar fasískar leikaðferðir“ Erlent Trump sendir þjóðvarðlið til Los Angeles Erlent Björgunarsveit selur derhúfur í stíl Bandaríkjaforseta Innlent Hótar Musk alvarlegum afleiðingum styðji hann Demókrata Erlent Ríkisstjóri Utah heimsækir Eyjar: Mormónarnir vissu allt um sprönguna Innlent Alþjóðlegir sérfræðingar ræða baráttuna gegn myglu í Hörpu Innlent „Ertu kannski Íslendingur?“ Lífið Rannsökuðu eigin samsæriskenningar um fljúgandi furðuhluti Erlent Fleiri fréttir Vond stjórnsýsla að teikna bara einhverja reiti á kort Fresta uppbyggingu verkmenntaskóla: „Þessi óvissa er fyrir neðan allar hellur“ Menningarveisla í allt sumar á Sólheimum Björgunarsveit selur derhúfur í stíl Bandaríkjaforseta Alvarlegt ástand í Los Angeles og opnun nýs Konukots Eftirlýstur maður handtekinn grunaður um vændiskaup Ríkisstjóri Utah heimsækir Eyjar: Mormónarnir vissu allt um sprönguna Heilbrigðisstofnun Suðurnesja skilaði 800 milljónum til ríkissjóðs Alþjóðlegir sérfræðingar ræða baráttuna gegn myglu í Hörpu Hermenn í Los Angeles, mylguráðstefna og síðasti leikur Arons Pálmarssonar Hætta með ökuskírteini í símaveski vegna Evrópureglna Evrópusambandið, rétttrúnaður og endurskoðun veiðiráðgjafarinnar Þrír reyndu að komast undan lögreglu Jöklar hér á landi minnkað um eina Lúxemborg Sækja WorldPride í skugga bakslags í réttindum hinsegin fólks 70 milljóna króna halli vegna uppsagnar samningsins Beðasléttur í borginni: Óttast óafturkræfan skaða á Laugarnesi Fleiri börn deyja á Gasa og óttast um fornminjar í Laugarnesi Ók á gangandi vegfarenda og keyrði burt Umræðu um bókun 35 aftur frestað Ummæli Kolbrúnar blaut tuska í andlit ungmenna Norðurlandamót í Bridge á Laugarvatni alla helgina Yfirfara þurfi öryggismál við Brúará Enn eitt banaslysið í Brúará, landvinningar lúsmýs og þungarokkshátíð Vísbendingar um að síðasta vígið sé fallið „Ef þetta gengur vel mun hún eignast allan bátinn“ Konan sem féll í Brúará er látin Fimm frumvörp fjögurra ráðuneyta samþykkt Klara Baldursdóttir er látin Þyrla Landhelgisgæslunnar kölluð út vegna göngumanns Sjá meira