„Við erum að vinna í því að koma í veg fyrir þetta kjaftæði“ Rafn Ágúst Ragnarsson skrifar 9. mars 2024 13:42 Guðný Kristjánsdóttir segir meirihluta bæjarbúa ósátta við áform bæjarstjórnar. Vísir/Samsett Guðný Kristjánsdóttir, íbúi í Reykjanesbæ og tengdadóttir rokkarans keflvíska Rúnars Júlíussonar segir meirihluta bæjarbúa vera ósáttan með ákvörðun bæjarstjórnar Reykjanesbæjar að flytja bókasafn bæjarins í Hljómahöll og takmarka starfsemi Rokksafns Íslands. Hún segist munu berjast gegn áformum bæjarstjórnarinnar með öllum tiltækum ráðum. „Við erum held ég meirihluti Reykjanesbæinga á móti þessari ákvörðun. Við erum að vinna í því að koma í veg fyrir þetta kjaftæði, hvernig sem við gerum það,“ segir hún í samtali við fréttastofu. Komi ekki til greina að halda bókasafninu í ráðhúsinu Framtíð Rokksafns Íslands í Hljómahöllinni í Keflavík er óljós um þessar mundir. Samþykkt var í bæjarráði Reykjanesbæjar í nóvember 2022 að skoða hvort flytja mætti bókasafn Reykjanesbæjar í Hljómahöll og þá hætta eða minnka við starfsemi safnsins. Bókasafn Reykjanesbæjar deilir nú húsnæði með ráðhúsi Reykjanesbæjar á Tjarnargötu en fram kom í fundargerð bæjarráðs í síðasta mánuði að ljóst væri að það fyrirkomulag hefði runnið sitt skeið. Þröngt sé um bæði bókasafnið og starfsemi ráðhússins. Að mati meirihluta bæjarstjórnar og flokks Umbótar komi sá valmöguleiki að halda þeim í sama húsnæði til lengri tíma ekki til greina. Bókasafn Reykjanesbæjar er á neðri hæð ráðhússins.Þorgils Jónsson „Möguleikinn sem þykir bestur út frá þeim gögnum sem liggja fyrir í málinu er að flytja bókasafnið í Hljómahöll og hefur meirihluti bæjarstjórnar auk flokks Umbótar því tekið þá ákvörðun. Í árslok 2024 munu þessar breytingar ganga í gegn sem hefjast á tímabundinni lokun bókasafnsins á Tjarnargötu 12 meðan flutningur milli húsanna fer fram.,“ kemur fram í fundargerð bæjarráðs frá 29. febrúar síðastliðnum. Þar kemur einnig fram að þó svo að ráðist sé í slíkar breytingar sé lokun Rokksafnsins ekki það eina í stöðunni. „Ýmsir möguleikar eru varðandi framtíð safnsins þó það verði ekki af þeirri stærðargráðu sem það er í dag.“ Helga Jóhanna Oddsdóttir bæjarfulltrúi Sjálfstæðisflokksins sagði á fundi bæjarráðs 29. febrúar síðastliðinn að flokkurinn leggist alfarið gegn því að flytja bókasafnið í Hljómahöll og loka Rokksafninu. „Menningarráð hefur þegar boðað að farið verði í stefnumótun menningarhúsa í Reykjanesbæ með það að markmiði að nýta betur húsnæði sveitarfélagsins og efla menningarlíf í bænum. Við teljum með öllu óábyrgt að ákvörðun sem þessi sé tekin áður en slík vinna hefur farið fram og hvetjum meirihlutann að draga ákvörðun sína til baka,“ segir hún. Rokksagan er í Reykjanesbæ Guðný segist vilja að bæjarbúar fái að kjósa um málið og hafi eitthvað að segja um svona stóra ákvörðun. „Við fyrir þessu í fjöldamörg ár að fá rokksafn hingað til Reykjanesbæjar. Svo var það opnað með pompi og prakt og þykist hafa tekist alveg ótrúlega vel til. Þarna eru svo margar uppákomur og haldnar þarna alls konar veislur. Þetta er alveg einstakt, það er ekkert svona safn á landinu,“ segir Guðný. „Héðan er öll sagan. Rokksagan, allt kemur héðan og þess vegna finnst okkur Rokksafn Íslands eiga að vera í Reykjanesbæ en ekki einhvers staðar annars staðar. Það tekur þetta þá bara eitthvað annað bæjarfélag og þvílík skömm yrði af því.“ Rokksafnið opnaði í apríl 2014.Rokksafn Íslands Guðný segir engan bæjarbúa styðja þessi áform nema bæjarfulltrúa meirihlutans og að fullyrðingar meirihlutans um dræma aðsókn á safnið eigi ekki við rök að styðjast. Ef markmiðið sé betri aðsókn sé lausnin að markaðssetja betur en ekki loka því. Henni finnst það einnig fráleit hugmynd að bókasafn, Hljómahöll og tónlistarskóli skuli deila sama húsnæðinu nema miklar breytingar verði gerðar á því. Bókasafnið sé vel staðsett þar sem það er í ráðhúsinu. Það sé ósanngjarnt að flytja það vegna þess að bæjarfulltrúum finnist það þrengja að sér. Ekki horft til framtíðar „Bæjarskrifstofurnar eru á efri hæðinni á bókasafninu og mér skilst að það þrengi svo að þeim að þeir þurfi rými bókasafnsins og þá má bókasafnið bara taka Rokksafnið undir sig. Þetta erum við mjög ósátt með,“ segir Guðný. „Okkur finnst ekki vera horft til framtíðar. Svo eftir nokkur ár þarf aftur að færa eitthvað til. Við þurfum að hugsa lengra fram í tímann. Við erum stækkandi samfélag og við eigum ekki að vera að setja einhverja plástra með því að færa eitthvað til í einhvern tíma.“ Guðný segir það verða algjört slys ef af verður áætlun bæjarstjórnar og segist munu reyna að knýja fram að kosið verði um þau. Það séu mjög háværar mótspyrnuraddir í bænum. „Við höfum hátt, við mótmælum öll.“ Reykjanesbær Tónlist Söfn Tengdar fréttir Skoða að færa Rokksafnið úr Hljómahöllinni Bæjaryfirvöld í Reykjanesbæ skoða nú hvort færa eigi bókasafn bæjarins í aðstöðu Rokksafnsins í Hljómahöllinni. Hugmyndin er liður í því að Hljómahöll verði menningarhús Reykjanesbæjar til framtíðar. 30. nóvember 2022 13:49 Mest lesið Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Skoða að efla geðheilbrigðisþjónustu á Austurlandi eftir röð áfalla Innlent Hleypur 110 kílómetra á dag til að setja heimsmet Innlent Kjölur ekki á dagskrá Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Starfsfólk Alcoa vilji setja fyrirtækinu mörk Innlent Fleiri fréttir Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Sjá meira
„Við erum held ég meirihluti Reykjanesbæinga á móti þessari ákvörðun. Við erum að vinna í því að koma í veg fyrir þetta kjaftæði, hvernig sem við gerum það,“ segir hún í samtali við fréttastofu. Komi ekki til greina að halda bókasafninu í ráðhúsinu Framtíð Rokksafns Íslands í Hljómahöllinni í Keflavík er óljós um þessar mundir. Samþykkt var í bæjarráði Reykjanesbæjar í nóvember 2022 að skoða hvort flytja mætti bókasafn Reykjanesbæjar í Hljómahöll og þá hætta eða minnka við starfsemi safnsins. Bókasafn Reykjanesbæjar deilir nú húsnæði með ráðhúsi Reykjanesbæjar á Tjarnargötu en fram kom í fundargerð bæjarráðs í síðasta mánuði að ljóst væri að það fyrirkomulag hefði runnið sitt skeið. Þröngt sé um bæði bókasafnið og starfsemi ráðhússins. Að mati meirihluta bæjarstjórnar og flokks Umbótar komi sá valmöguleiki að halda þeim í sama húsnæði til lengri tíma ekki til greina. Bókasafn Reykjanesbæjar er á neðri hæð ráðhússins.Þorgils Jónsson „Möguleikinn sem þykir bestur út frá þeim gögnum sem liggja fyrir í málinu er að flytja bókasafnið í Hljómahöll og hefur meirihluti bæjarstjórnar auk flokks Umbótar því tekið þá ákvörðun. Í árslok 2024 munu þessar breytingar ganga í gegn sem hefjast á tímabundinni lokun bókasafnsins á Tjarnargötu 12 meðan flutningur milli húsanna fer fram.,“ kemur fram í fundargerð bæjarráðs frá 29. febrúar síðastliðnum. Þar kemur einnig fram að þó svo að ráðist sé í slíkar breytingar sé lokun Rokksafnsins ekki það eina í stöðunni. „Ýmsir möguleikar eru varðandi framtíð safnsins þó það verði ekki af þeirri stærðargráðu sem það er í dag.“ Helga Jóhanna Oddsdóttir bæjarfulltrúi Sjálfstæðisflokksins sagði á fundi bæjarráðs 29. febrúar síðastliðinn að flokkurinn leggist alfarið gegn því að flytja bókasafnið í Hljómahöll og loka Rokksafninu. „Menningarráð hefur þegar boðað að farið verði í stefnumótun menningarhúsa í Reykjanesbæ með það að markmiði að nýta betur húsnæði sveitarfélagsins og efla menningarlíf í bænum. Við teljum með öllu óábyrgt að ákvörðun sem þessi sé tekin áður en slík vinna hefur farið fram og hvetjum meirihlutann að draga ákvörðun sína til baka,“ segir hún. Rokksagan er í Reykjanesbæ Guðný segist vilja að bæjarbúar fái að kjósa um málið og hafi eitthvað að segja um svona stóra ákvörðun. „Við fyrir þessu í fjöldamörg ár að fá rokksafn hingað til Reykjanesbæjar. Svo var það opnað með pompi og prakt og þykist hafa tekist alveg ótrúlega vel til. Þarna eru svo margar uppákomur og haldnar þarna alls konar veislur. Þetta er alveg einstakt, það er ekkert svona safn á landinu,“ segir Guðný. „Héðan er öll sagan. Rokksagan, allt kemur héðan og þess vegna finnst okkur Rokksafn Íslands eiga að vera í Reykjanesbæ en ekki einhvers staðar annars staðar. Það tekur þetta þá bara eitthvað annað bæjarfélag og þvílík skömm yrði af því.“ Rokksafnið opnaði í apríl 2014.Rokksafn Íslands Guðný segir engan bæjarbúa styðja þessi áform nema bæjarfulltrúa meirihlutans og að fullyrðingar meirihlutans um dræma aðsókn á safnið eigi ekki við rök að styðjast. Ef markmiðið sé betri aðsókn sé lausnin að markaðssetja betur en ekki loka því. Henni finnst það einnig fráleit hugmynd að bókasafn, Hljómahöll og tónlistarskóli skuli deila sama húsnæðinu nema miklar breytingar verði gerðar á því. Bókasafnið sé vel staðsett þar sem það er í ráðhúsinu. Það sé ósanngjarnt að flytja það vegna þess að bæjarfulltrúum finnist það þrengja að sér. Ekki horft til framtíðar „Bæjarskrifstofurnar eru á efri hæðinni á bókasafninu og mér skilst að það þrengi svo að þeim að þeir þurfi rými bókasafnsins og þá má bókasafnið bara taka Rokksafnið undir sig. Þetta erum við mjög ósátt með,“ segir Guðný. „Okkur finnst ekki vera horft til framtíðar. Svo eftir nokkur ár þarf aftur að færa eitthvað til. Við þurfum að hugsa lengra fram í tímann. Við erum stækkandi samfélag og við eigum ekki að vera að setja einhverja plástra með því að færa eitthvað til í einhvern tíma.“ Guðný segir það verða algjört slys ef af verður áætlun bæjarstjórnar og segist munu reyna að knýja fram að kosið verði um þau. Það séu mjög háværar mótspyrnuraddir í bænum. „Við höfum hátt, við mótmælum öll.“
Reykjanesbær Tónlist Söfn Tengdar fréttir Skoða að færa Rokksafnið úr Hljómahöllinni Bæjaryfirvöld í Reykjanesbæ skoða nú hvort færa eigi bókasafn bæjarins í aðstöðu Rokksafnsins í Hljómahöllinni. Hugmyndin er liður í því að Hljómahöll verði menningarhús Reykjanesbæjar til framtíðar. 30. nóvember 2022 13:49 Mest lesið Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Skoða að efla geðheilbrigðisþjónustu á Austurlandi eftir röð áfalla Innlent Hleypur 110 kílómetra á dag til að setja heimsmet Innlent Kjölur ekki á dagskrá Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Starfsfólk Alcoa vilji setja fyrirtækinu mörk Innlent Fleiri fréttir Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Sjá meira
Skoða að færa Rokksafnið úr Hljómahöllinni Bæjaryfirvöld í Reykjanesbæ skoða nú hvort færa eigi bókasafn bæjarins í aðstöðu Rokksafnsins í Hljómahöllinni. Hugmyndin er liður í því að Hljómahöll verði menningarhús Reykjanesbæjar til framtíðar. 30. nóvember 2022 13:49