„Já, hvernig líst þér á? Það er kviknað í húsinu“

Hún sagði þeim frá því þegar hún lagði sig eitt sinn í heyinu í fjárhúsinu en vaknaði við það að það hafði kviknað í húsinu og móðir hennar var föst á efri hæðinni. Anna Marta tók sig til við að bjarga móður sinni út og RAX fannst yfirvegunin í samræðum mæðgnanna í þessum aðstæðum kostuleg og minnti hann á gamlar tröllasögur.

„Það var eins og sólin væri að koma upp.“

Þannig lýsir RAX Önnu Mörtu sem var lífsglöð og hress og sagði skemmtilega frá. Þrátt fyrir að fjörðurinn sé afskekktur og lokist á veturna þá vildi hún hvergi annars staðar vera. Hún hafði félagsskap af dýrunum sínum, kúm, fuglum og hundum, sem henni þótti afskaplega vænt um og varði fuglana sína gegn ágangi fálka á svæðinu, vopnuð riffli.

Söguna um Önnu Mörtu má sjá í nýjasta þættinum af RAX Augnablik í spilaranum hér að neðan.

Fleiri þætti úr smiðju RAX má sjá á sjónvarpsvef Vísis.