Ný vegg­mynd af Jürgen Klopp í Liverpool

Stuðningsmenn Liverpool munu örugglega sjá mikið eftir þessum elskaða knattspyrnustjóra.

Klopp tók við Liverpool liðinu í október 2015 og stýrir liðinu í 481. sinn í kvöld. Liðið hefur unnið níu titla undir hans stjórn þar af ensku úrvalsdeildina 2020 og Meistaradeildina 2018.

Minningu um tíma hans á Anfield verður örugglega haldið hátt á lofti á Anfield og það má finna veggmyndir af þýska stjóranum út um allan bæ.

Sú nýjasta var vígð í þessari viku en þar má sjá Klopp brosa með bjóra í hönd eins og sést hér fyrir neðan.

Listamaðurinn John Culshaw gerði myndina en hann hefur verið duglegur að gera flottar myndir af hetjum Liverpool út um alla borg.