Halla Tómas­dóttir tekur stökk í nýrri könnun Prósents

Niðurstöður könnunarinnar birtust í Morgunblaðinu í morgun en þar segir að 26 prósent hyggist kjósa Höllu Hrund, 19,2 prósent Katrínu Jakobsdóttur, 17,9 prósent Baldur Þórhallsson og 13,8 prósent Jón Gnarr.

Halla Tómasdóttir, sem hefur sótt á í könnunum á síðustu dögum, mælist með 12,5 prósent fylgi en í síðustu könnun Prósents mældist hún með 5,1 prósent.

Prósent spurði þátttakendur einnig að því hvern kjósendur teldu sigurstranglegastan.

36,4 prósent nefndu Höllu Hrund, 35 prósent Katrínu, 13,8 prósent Baldur, 6,7 prósent Höllu Tómasdóttur og 4,2 prósent Jón Gnarr.