Ný­liðarnir sækja sér styrk í Hafnar­fjörðinn

ÍR-ingar hafa samið við Tómas Orra Hjálmarsson, 21 árs gamlan leikmann frá Haukum.

Tómas er uppalinn hjá Sindra, þar sem hann spilaði á venslasamning í vetur. Með Sindra skilaði Tómas að meðaltali þrettán stigum og fimm fráköstum í leik á síðasta tímabili.

„Ég er mjög ánægður með að Tómas hafi skrifað undir og hlakka til að sjá hann í alvöru hlutverki í Subway deildinni. Leikstíll hans smellur vel í okkar hugmyndafræði og ég er sannfærður um að hann mun ná að stimpla sig vel inn í liðið,“ sagði Ísak Máni Wíum, þjálfari ÍR.