Enski boltinn

Aston Villa að ganga frá kaupum á Onana

Smári Jökull Jónsson skrifar
Amadou Onana er að ganga til liðs við Aston Villa og mun því taka þátt í Meistaradeild Evrópu með félaginu á næstu leiktíð.
Amadou Onana er að ganga til liðs við Aston Villa og mun því taka þátt í Meistaradeild Evrópu með félaginu á næstu leiktíð. Vísir/Getty

Everton hefur samþykkt tilboð Aston Villa í belgíska landsliðsmanninn Amadou Onana. Onana var í lykilhlutverki hjá Belgum á Evrópumótinu í Þýskalandi.

Það er félagaskiptasérfræðingurinn Fabrizio Romano sem greinir frá að Everton sé búið að samþykkja 50 milljón punda tilboð Aston Villa í Onana. Everton keypti Belgann frá Lille í Frakklandi fyrir tveimur árum og greiddi þá 30 milljónir punda fyrir.

Á síðustu tveimur tímabilum hefur Onana verið í stóru hlutverki á miðjunni hjá Everton og þá byrjaði hann alla leiki Belga á Evrópumótinu í Þýskalandi. Belgía féll úr leik í 16-liða úrslitum eftir 1-0 tap gegn Frökkum.

Samkvæmt Romano mun Onana skrifa undir fimm ára samning við Aston Villa sem leikur í Meistaradeild Evrópu á næsta tímabili. 

Mest lesið


Fleiri fréttir

Sjá meira


×

Mest lesið