Andrea í sólina í Tampa

Andrea gekk í raðir FH í vetur og lék ellefu leiki með liðinu í Bestu deildinni í sumar.

Hún er nú farin aftur til Bandaríkjanna en hún lék þar áður með Houston Dash auk þess sem hún lék með háskólanum í Suður-Flórída.

Andrea, sem er 28 ára miðjumaður, hefur einnig leikið með Breiðabliki, Le Havre í Frakklandi og Mazat­lán og América í Mexí­kó.

Tampa Bay Sun var stofnað í fyrra og hefur leikið í USL-deildinni á þessu ári. USL-deildin er næstefsta deildin í Bandaríkjunum.