Ei­ríkur nýr þjálfari Vals

Valur greinir frá ráðningunni á Facebook-síðu félagsins. Eiríkur mun stýra Valskonum í Lengjudeildinni en Valur féll í fyrsta sinn í sögunni á nýliðinni leiktíð.

Eiríkur var áður hluti af þjálfarateymi Breiðabliks þegar Blikakonur urðu Íslandsmeistarar. Í yfirlýsingu Vals segir að árangur síðasta árs hafi ekki verið ásættanlegur og verkefni Eiríks einfalt: Að komast beint aftur upp í Bestu deildina.

„Ég er virkilega þakklátur fyrir traustið. Þetta er spennandi leikmannahópur með mikil gæði og stelpurnar hafa sýnt það á hverri æfingu að þær eru hungraðar í að gera betur. Verkefnið er stórt og ég get ekki beðið eftir því að byrja. Valur er lið sem á að vera í efstu deild en markmiðið nær lengra en það. Við erum að horfa á þetta sem þriggja ára vegferð þar sem við ætlum að koma liðinu aftur í fremstu röð,“ er haft eftir Eiríki í yfirlýsingunni.

Eiríkur gerir þriggja ára samning sem þjálfari liðsins. Sverrir Kristinsson verður aðstoðarþjálfari liðsins og Hilmar McShane styrktarþjálfari.